Johana 20:13 - MUMA MALER 2015

¹³ Ne gipenje ni, “Nyarwa, ang’o momiyo iywak?” To ne odwokogi ni, “Gisegolo ruodha, to akia kama giketee.”

Motingʼo Loko Manyien

¹³ Negipenje niya, “Nyarwa, iywago angʼo?” Nowachonegi niya, “Gisekawo Ruodha gidhigo, to akia kama giketee.”

Johana 20:13 ပူးပေါင်းရင်းမြစ်များ

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Jeremia 31:16

Ling’ iwe ywak, kendo ywe pi wang’i, nimar niyud pok nikech gik misetimo ni nyithindi. Gibiro duogo ka gia e piny wasigu. An Ruoth Nyasaye ema awacho kamano.

Luka 24:17

Nopenjogi niya, “Wach ang’o muwacho kendu kuwuothoni?” Eka ne gichung’, ka gimieno wang’gi.

Johana 19:26

Kane Yesu oneno min mare, kendo oneno japuonjre mane ohero kochung’ but min mare, nowacho ni min mare niya, “Mama, wuodi ero.”

Johana 2:4

To Yesu nowacho ni min niya, “Mama, ere gimomiyo ikelona wachni? Kindena pok ochopo.”

Johana 20:15

Yesu nopenje niya, “Nyako ang’o momiyo iywak? Imanyo ng’a?” Maria ne galo ni Yesu en jarit puodho, omiyo nowachone niya, “Jaduong’, ka in ema igole, to nyisa kama iketee, mondo adhi akawe.”

Johana 20:2

Kuom mano noringo odhi ir Simon Petro kod japuonjre mane Yesu ohero cha, mowachonigi niya, “Gisegolo ringre Ruoth e liel, to wakia kama giketee.”

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

1 Samuel 1:8

Chieng moro, Elkana chwore nopenje niya, “Hana, ang’o momiyo chunyi lit, kendo iywak kamano, ma ok inyal kata chiemo? Donge aberni moloyo yawuowi apar?”