Johana 20:1 - MUMA MALER 2015

¹ To chieng’ Jumapil, kane piny pod huyuhuyu, Maria nyar Magdala nodhi e liel moyudo ka kidi oseng’iel oko e dho liel.

Motingʼo Loko Manyien

¹ To odiechiengʼ mokwongo mar juma, kogwen, kane piny pod olil, Maria ma aa Magdala nodhi e liel, mi noneno ka kidi osengʼiel oko e dho lielno.

Johana 20:1 ပူးပေါင်းရင်းမြစ်များ

Mathayo 27:56

Kuomgi kanyo ne nitie Maria nyar Magdala, gi Maria min Jakobo gi Josef, kod min Yawuot Zebedi.

Mathayo 27:60

eka nokete e bur manyien, mane osekunyo ariwa e kor lwanda. (En bur mane oloso mondo chieng’ moro oyikee, kotho.) Bang’e nong’ielo kidi maduong’ moloro dho bur, mi oa odhi.

Mathayo 27:64

Kuom mano, gol chik mondo orit liel maber nyaka chop ndalo mar adek, nono to jopuonjrene obiro mokwalo ringre, mi bang’e digiwach ni ji ni, osechier oa kuom joma otho. Kamano wuond machien dibed marach moloyo mokwongo”.

Mathayo 27:66

Kuom mano ne gidhi, mi girito liel maber. Ne giketo kido kuom kidi mane olorgo dho liel, kendo ne giweyo askeche karito.

Mathayo 28:1

Kar kogwen chieng’ Jumapil, kane chieng’ Sabato oserumo, Maria nya Magdala gi Maria machielo nobiro mondo olim liel.

Mathayo 28:2

To piny noyiengni matek apoya nono, kendo malaika mar Ruoth Nyasaye nolor koa e polo, mong’ielo kidi mane olorgo dho bur gi chien, mobetie.

Mariko 15:46

Josef nong’iewo nanga, kendo kane osegolo ringre Yesu e msalaba, noboye gi nangano, mokete e bur mane osekuny ariwa e kor lwanda. Eka nong’ielo kidi maduong’, molorogo dho bur.

Mariko 16:9

Kane Yesu osechier gokinyi mang’ich chieng’ Jumapil, nofwenyore ni Maria nyar Magdala, mane osegolone jochiende abiriyo.

Johana 11:38

Mirima nochako omako Yesu kendo, mi odhi but liel, mane en bur mokuny ariwa e lak got, moket kidi e dhoge.

Johana 11:41

Kuom mano ne ging’ielo kidi oko. Yesu nong’iyo malo, mowacho niya, “Wuora, agoyoni erokamano nikech isewinja.

Johana 19:25

Koro min Yesu gi nyamin min mare, gi Maria chi Klopa, kod Maria nyar Magdala, ne jochung’ e tiend msalape.

Johana 20:26

Bang’ juma achiel, jopuonjre Yesu ne ochako obedo e odno, to koro Thoma bende ne ni kodgi. Kata obedo ni dhoudi nochiegi, to Yesu nobiro, mochung’ e diergi, kendo omosogi ni, “Okueuru!”

Tich Joote 20:7

Chieng’ mokwongo bang’ Sabato, tiende ni chieng’ Ngeso godhiambo, ne wachokore mondo wacham Sap Ruoth. To kaka Paulo ne ikore ni kinyne oa, nopuonjo nyaka dier odiewuor.

1 Jo-Korintho 16:2

Chieng’ Jumapil ka Jumapil, ng’ato ka ng’ato kuomu mondo opog moko kuom gik ma Nyasaye osekonyego, oket tenge mondo solro kik tim ka abiro.

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.