Johana 2:4 - MUMA MALER 2015

⁴ To Yesu nowacho ni min niya, “Mama, ere gimomiyo ikelona wachni? Kindena pok ochopo.”

Motingʼo Loko Manyien

⁴ Yesu nowachone niya, “Mama, angʼo momiyo idwaro mondo atim ma to sana pok ochopo?”

Johana 2:4 ပူးပေါင်းရင်းမြစ်များ

2 Samuel 16:10

To ruoth nowacho niya, “Ang’o ma chandou koda, un yawuot Zeruya? We mondo okuong’a akuong’a. Ka Ruoth Nyasaye ema ochike mondo okuong’a to onge ng’ama nyalo penje gimomiyo otimo kamano.”

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

Eklesiastes 3:1

Gimoro amora ma timore e pinyni timore mana e kinde ma Nyasaye oseketone.

Mathayo 15:28

Mano omiyo Yesu nodwoke niya, “In dhako man gi yie maduong’! Gima idwaro mondo otimreni.” Kamano nyare nochango gie sano.

Mathayo 8:29

Ne gigoyo koko ka giwacho niya, “Yaye, Wuod Nyasaye, ilaro ang’o kodwa? Koso isebiro mondo isandwa kapok ndalo moketi ochopo?”

Luka 2:49

To Yesu nodwokogi niya, “Ere gimomiyo ne udwara? Donge ne ung’eyo ni onego abed e od Wuora?”

Johana 12:23

To Yesu nodwokogi niya, “Sa koro osechopo ma Wuod Dhano yudoe duong’ne maler.

Johana 13:1

Koro Sap Pasaka ne chiegni ahinya, kendo Yesu nong’eyo ni kindene osechopo moago e pinyni, odok ir Wuoro. Nosehero joge owuon manie piny, to koro obiro nyiso kaka oherogi chuth nyaka giko.

Johana 2:3

To divai norumo, omiyo min Yesu nowachone ni, “Jogi koro onge gi divai.”

Johana 20:13

Ne gipenje ni, “Nyarwa, ang’o momiyo iywak?” To ne odwokogi ni, “Gisegolo ruodha, to akia kama giketee.”

Johana 20:15

Yesu nopenje niya, “Nyako ang’o momiyo iywak? Imanyo ng’a?” Maria ne galo ni Yesu en jarit puodho, omiyo nowachone niya, “Jaduong’, ka in ema igole, to nyisa kama iketee, mondo adhi akawe.”

Johana 7:30

Eka ne gitemo make, to ne ok ginyal, nikech kindene ne pok ochopo.

Johana 7:6

Yesu nodwokogi niya, “Kindena pok ochopo, to un, kindeu nitie ndalo duto.

Johana 7:8

Un, dhiuru adhiya e sawono. An to ok adhi, nikech kindena pok ochopo.”

Johana 8:20

Yesu nowacho wechego duto kopuonjo ji e Hekalu, ei ot mane oketie sanduge mag sadaka. Kata kamano onge ng’ama nomake, nikech kindene ne pok ochopo.

2 Jo-Korintho 5:16

Omiyo koro ok wanon tim ng’ato e yo ma dhano nonoe. Kata obedo ni ne wang’eyo Kristo e yorno, to koro ok wang’eye kamano.

Rapar mar Chik 33:9

Hera mane giherigo oloyo hera mane giherogo wuonegi gi minegi kod owetegi, kata nyithindgi, nikech ne giluwo mana chikeni, mi girito singruok mari maber.