Johana 2:22 - MUMA MALER 2015

²² kendo bang’e, kane ochier oa kuom joma otho, jopuonjrene noparo ni kara mano e gima ne owacho. Kuom mano, ne giyie ni Muma wacho adier, kendo ne giyie ni weche Yesu bende gin adier.

Motingʼo Loko Manyien

²² Bangʼ kane osechier oa kuom joma otho, jopuonjrene noparo gima nowachono. Omiyo ne giyie kuom Ndiko kod weche mane Yesu osewacho.

Johana 2:22 ပူးပေါင်းရင်းမြစ်များ

Zaburi 16:10

nikech ok niwe adhi e piny joma otho. Ee, ok nijwang’ jatichni mihero mondo odhi e bur,

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 12:16

E kindeno jopuonjrene ne ok ong’eyo tiend wachno, to achien, kane Yesu oseyudo duong’ne maler, eka ne giparo ni ji osetimone kamano,

Johana 14:26

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Johana 16:4

To asenyisou gigi chon, mondo ka kinde ochopo ma gitimoree, to upar ni ne asiemou ni gibiro timore, mondo utang’. “Ne ok anyisou mokwongo, nikech ne pod an kodu.

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 2:17

Mano nomiyo jopuonjrene oparo wach mondiki e Muma ni, “A Nyasaye, hera ma aherogo Hekalu mari wang’o chunya ka mach.”

Johana 2:2

kendo Yesu bende noluongi e kiserano gi jopuonjrene.

Tich Joote 11:16

Eka ne aparo gima ne Ruoth nosewacho niya, ‘Johana nobatiso ji gi pi, to un nobatisu gi Roho Maler.’

Tich Joote 13:33

Nyasaye osetimonwa gima ne osingore ni kwerewa, mana kaka Muma wacho e Zaburi mar ariyo ni, ‘In e Wuoda, tiende ni asedoko Wuoru.’