Johana 2:20 - MUMA MALER 2015

²⁰ To ne gimedo penje ni, “Gero Hekaluni osekawo higni piero ang’wen gauchiel! In to ere kaka dichak igere gi ndalo adek?”

Motingʼo Loko Manyien

²⁰ Jo-Yahudi nodwoke niya, “Gero hekaluni osekawo higni piero angʼwen gauchiel, to in to ere kaka inyalo gere gi ndalo adek?”

Johana 2:20 ပူးပေါင်းရင်းမြစ်များ

1 Ruodhi 6:38

To e higa mar apar gachiel, e due mar aboro miluongo ni Bul, Hekalu norumo chuth, kaka nosechan ni onego gere. Kamano Solomon notieko higni abiriyo kagero Hekalu.

Ezra 5:16

Omiyo Sheshbazar nogo nobiro Jerusalem moketo mise mar Od Nyasaye. Chakre chieng’no nyaka chil kawuono gedo osebedo kadhi nyime, to pok orumo.’

Mathayo 24:1

Kane oyudo Yesu wuok e Hekalu, jopuonjrene nobiro ire mondo onyise Hekalu kaka oger.

Luka 21:5

Jomoko ne wuoyo kuom Hekalu, kawuoro kaka olose gi kite mabeyo kendo kaka mich michiwoe ni Nyasaye long’o. To Yesu nowachonigi niya,

Johana 1:19

Jo-Yahudi man Jerusalem nooro jodolo gi jo-Lawi ir Johana, mopenje ni, “In ng’a?”

1 Jo-Korintho 15:4

Noyike, kendo nochier oa kuom joma otho chieng’ mar adek, bende kaka Muma wacho.