Johana 2:15 - MUMA MALER 2015

¹⁵ Nokawo tworo, olosogo del, mi oriembogo jogo duto oko e Hekalu, kaachiel gi jambgi. Nopuko pesa jowil pesa, kendo ogoyo mesnigi piny.

Motingʼo Loko Manyien

¹⁵ Omiyo noloso del gi piende molir olir, kendo noriembo ji duto oko ei hekalu, kod rombe gi dhok bende. Nokeyo pesa mag jowil pesa, kendo noloko mesnigi ataro.

Johana 2:15 ပူးပေါင်းရင်းမြစ်များ

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Mathayo 21:12

Yesu nodonjo e Hekalu, moriembo ji duto mane loko ohala kendo ng’iewo gik moko kanyo. Nokawo mesni mag jowil pesa, kod kombe mag jolok akuche, mogoyo piny.

Johana 18:6

Kane Yesu owachonigi ni, “An e En,” ne gidok chien, mi gipodho piny.

Johana 2:14

Kane odonjo e Hekalu, noyudo johand dhok gi rombe kod akuche, kaachiel gi jowil pesa kobet kanyo.

Johana 2:16

Nowacho ni johand akuche niya, “Goluru gigi ka! Kik ulok od Wuora kar loko ohala!”

Tich Joote 27:32

Kuom mano, askeche nong’ado tonde mane omako yie matinno, mi oweye odhi.

2 Jo-Korintho 10:4

Bende gilweny ma wakedogo ok gin mag piny, to gin gilweny motegno mag Nyasaye, ma wamukogo kuonde mochiel motegno. Tiende ni, waketho mbaka manono,