Johana 19:7 - MUMA MALER 2015

⁷ To jo-Yahudi nodwoke ni, “Wan gi chik mawacho ni owinjore otho nikech owacho ni en Wuod Nyasaye.”

Motingʼo Loko Manyien

⁷ To jo-Yahudi nokone koramo niya, “Wan gi chik, kendo kaluwore gi chikwano, nyaka otho, nikech noketore ni en Wuod Nyasaye.”

Johana 19:7 ပူးပေါင်းရင်းမြစ်များ

Isaya 53:4

To eka tuochewa ema ne oting’o, kendo chandruokwa ema ne ture. Wan to ne waparo ni masira mane oyudono ne en kum mane Nyasaye omiye nikech richone owuon,

Tim jo-Lawi 24:16

Ng’at moyanyo nying Ruoth Nyasaye nyaka negi. Oganda jo-Israel nyaka goye gi kite motho. Bed ni en jadak kata ja-Israel ema ohulo nying malerno, nyaka nege.

Mariko 15:39

Kane jaduong’ lweny mane oyudo ochung’ e nyim msalaba kanyo oneno kaka Yesu okok ka chunye chot, nowacho niya, “Adier ng’atni ne en Wuod Nyasaye!”

Johana 19:8

Kane Pilato owinjo wachno, luoro nomake ahinya,

Johana 5:18

Mano nomiyo jo-Yahudi oramo ni nyaka nege. To ne ok gidwar nege nikech ketho Sabato kende, to ne gidwaro nege bede nikech nopiemore gi Nyasaye, koluongo Nyasaye ni Wuon mare.

Tich Joote 18:13

mi gidonjone ka giwacho niya, “Ng’atni loko ji mondo olam Nyasaye e yo ma ok owinjore gi chik!”

Jo-Rumi 1:4

to korka tich Roho Maler, to ne onyis ratiro ni en Wuod Nyasaye, nikech teko mane ochierego koa kuom joma otho.

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’