Johana 19:13 - MUMA MALER 2015

¹³ Kane Pilato owinjo wechego, nogolo Yesu oko. Eka nobet e kom bura, kama iluongo ni Laru mar Kidi. (Laruno iluongo gi dho Hibrania ni, Gabatha)

Motingʼo Loko Manyien

¹³ Kane Pilato owinjo mano, nogolo Yesu oko kendo nobet piny e kome mar ngʼado bura kama iluongo ni Laru motingʼore malo mar kidi (miluongo gi dho jo-Hibrania ni Gabatha).

Johana 19:13 ပူးပေါင်းရင်းမြစ်များ

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Jeremia 38:19

Ruoth Zedekia nodwoke niya, “Aluoro jo-Yahudi ma oseringo odok ni jo-Babulon, nikech dipo ka ochiwa e lwetgi, mi gisanda.”

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Johana 19:17

mi gigolo oko koting’o msalape nyaka kama iluongo ni Kar Hanga Wich. (Dho hibrania to luongo kanyo ni, Golgoth.)

Johana 19:20

Jo-Yahudi mang’eny nosomo wachno, nikech kama nogurie Yesu ne chiegni gi Jerusalem. Bende wachno nondiki e dho Hibrania, gi dho Latin, kod dho Grik.

Johana 19:8

Kane Pilato owinjo wachno, luoro nomake ahinya,

Johana 5:2

E Jerusalem kuno, e bath rangach miluongo ni Ranga Rombe, ne nitie yawo moro miluongo gi dho Yahudi ni Bethesda. Yawono ne nigi agolni abich.

Tich Joote 4:19

To Petro gi Johana ne joduokogi niya, “Un ema nyaka ung’ad wach uwegi kata ka en gima kare winjou moloyo winjo Nyasaye,