Johana 18:25 - MUMA MALER 2015

²⁵ To Simon Petro ne pod ochung’ e laru kanyo, kaoyo mach. Omiyo jomoko mane ni kanyo nopenje niya, “Donge in achiel kuom jopuonjre ng’atni?” To Petro nokwer ni, “Ooyo, ok an.”

Motingʼo Loko Manyien

²⁵ Kane oyudo Simon Petro pod ochungʼ oyo mach, negipenje niya, “Idagi ni ok in achiel kuom jopuonjrene, koso iyie?” Nodagi kowacho niya, “Ooyo, ok an.”

Johana 18:25 ပူးပေါင်းရင်းမြစ်များ

Chakruok 18:15

Sara noluor ahinya, omiyo nokwer ni ok onyiero. To Ruoth Nyasaye nowachone niya, “Ooyo, ne inyiero!”

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Mathayo 26:69

To noyudo Petro obet oko e laru. Jatich moro manyako nodhi ire, mowachone niya, “In bende ne in kod Yesu ja-Galili.”

Mariko 14:66

E kindeno duto, Petro ne ni mwalo e laru, kendo achiel kuom nyiri matiyo ni jadolo maduong’ nobiro kanyo.

Luka 22:55

Kane gisemoko mach e laru, mi gibet piny kanyo, Petro nobiro mobet kodgi.

Luka 22:56

To nyako moro ma jatich nonene ka mach liel, morango wang’e tir, kendo owacho niya, “Jali bende ne ni kode!”

Luka 22:57

To Petro nokwer ni, “Nyako! Ok ang’eye.”