Johana 18:15 - MUMA MALER 2015

¹⁵ Simon Petro gi jopuonjre machielo noluwo Yesu. Japuonjreno ne jadolo maduong’ ong’eyo, omiyo nodonjo kaachiel gi Yesu e laru mar jadolo maduong’.

Motingʼo Loko Manyien

¹⁵ Simon Petro gi japuonjre machielo noluwo bangʼ Yesu. To nikech japuonjre machielono ne jadolo maduongʼ ongʼeyo, nodonjo gi Yesu nyaka ei laru mar jadolo maduongʼ,

Johana 18:15 ပူးပေါင်းရင်းမြစ်များ

Mathayo 26:3

To e kindeno, jodolo madongo kod jodong oganda ne jochokre e laru mar jadolo maduong’ ma nyinge Kaiafa.

Mariko 14:54

Petro noluwo bang’e gi chien nyaka e laru mar od jadolo maduong’, mobet kuno kooyo mach gi jorit.

Luka 22:54

Ne gimako Yesu, mi gitero e od jadolo maduong’, to Petro noluwo bang’gi gi chien.

Johana 18:24

Bang’ mano, Anas notero Yesu kapod otue ir Kaiafa, jadolo maduong’.

Johana 18:28

Ne gigolo Yesu e dala Kaiafa, mi gitero e od bura mar ruoth. Ne en okinyi mang’ich. To jo-Yahudi ne ok odonjo e odno, nikech ne ok gidwar bedo mogak, ma dimon-gi chamo Pasaka.