Johana 18:1 - MUMA MALER 2015

¹ Kane Yesu osewacho wechego, nowuok modhi gi jopuonjrene e puodho moro, loka aora Kidron.

Motingʼo Loko Manyien

¹ Kane Yesu osetieko lemo, nowuok gi jopuonjrene, mine gingʼado holo mar Kidron. Loka mar holono ne nitie puodho moro mane nigi yiende mag Zeituni, kendo Yesu nodonjo kanyo kaachiel gi jopuonjrene.

Johana 18:1 ပူးပေါင်းရင်းမြစ်များ

Chakruok 2:15

Eka Ruoth Nyasaye nokawo dhano, moketo e puoth Eden mondo opure kendo orite.

Chakruok 3:23

Kuom mano, Ruoth Nyasaye noriembe e puoth Eden, motere mondo odhi opur lowo mane osechweyego.

2 Samuel 15:23

Jopinyno duto noywak ka ji kadho. To ruoth nochung’ e aora Kidron, ka ji duto kadho nyime, kochiko yo thim.

1 Ruodhi 15:13

Bende nogolo Maaka e duong’ne mar bedo min ruoth, nikech noloso kido makuero, maket gi nyasaye madhako miluongo ni Ashera. Asa nomuko gima ketno, mowang’o e dho aora Kidron.

1 Ruodhi 2:37

nikech chieng’ ma iniwuogie, king’ado aora Kidron, to bed king’eyo ni nonegi. To rembi nodong’ e wiyi iwuon.”

2 Ruodhi 23:12

Nomuko kende-mag-misango mane nie wi gorofa mar od Ahaz, mane ruodhi mag Juda oloso e laru ariyo mag od Ruoth Nyasaye. Notoyogi matindotindo, mopuko ng’injogi e aora Kidron.

2 Ruodhi 23:4

Eka ruoth nochiko Hilkia jadolo maduong’, gi jadolo maluwe, kod jorit dhoot, ni mondo gik moko duto milamogo Baal gi siro miluongo ni Ashera kod sulue, ogol e Od Ruoth Nyasaye. Nowang’ogi e bath Jerusalem e paw aora Kidron, mi notero buchgi nyaka Bethel.

2 Ruodhi 23:6

Nogolo siro milamo miluongo ni Ashera e Od Ruoth Nyasaye, motero e dho aora Kidron e bath Jerusalem. Nowang’e kanyo but aora, motoye matindotindo nyaka olokore buru. Eka nokawo buche, mopuko e liete ji ajiya.

2 Weche mag Ndalo 15:16

Bende Asa nogolo Maaka min mare e duong’ne mar bedo min ruoth, nikech noloso kido makuero maket gi nyasaye ma dhako miluongo ni Ashera. Asa nomuko gima ketno, mong’ade matindotindo, kendo nowang’e e dho aora Kidron.

2 Weche mag Ndalo 29:16

Jodolo nodonjo e ot ma iye mar Hekalu mondo gilosi. Ne gigolo chilo duto mane giyudo e Od Ruoth Nyasaye, mi giketo e laru mar Hekalu, eka jo-Lawi nokawo chilono, motero e aora Kidron.

2 Weche mag Ndalo 30:14

Ne gigolo kende-mag-liswa duto mane ni Jerusalem, kaachiel gi kende miwang’oe ubani, mi giwito e holo Kidron.

Nehemia 2:15

Ne amedo luwo holo gotieno, ka anono ohinga, eka naduogo e dala gi Ranga Holo mane owuokgo.

Jeremia 31:40

To holo duto kama owitie ringre joma otho, kendo owitie yugi, nobed kama ler moyangna, kaachiel gi pewe duto manie geng aora Kidron nyaka ranga Farese, koma ochomo yo wuok chieng’. Dala Jerusalem ok nochak omuki, bende ok nochak okethe.”

Tim jo-Lawi 2:6

Nyaka ging’inge madundedunde, kendo olie mo. Mano en misango mar cham.

Mathayo 26:30

Bang’ mano ne giwer, to kane gisewer, ne giwuok gidhi e got Zeituni.

Mathayo 26:36

Bang’e yesu nodhi gi jopuonjrene kama iluongo ni Gethsemane, mi owachonigi niya, “Beduru kaeri, ka anto adhi kucha mondo alem.”

Mariko 14:26

Bang’ mano ne giwer, to kane gisewer, ne giwuok gidhi e got Zeituni.

Mariko 14:32

Kane gichopo kamoro miluongo ni Gethsemane, Yesu nowacho ni jopuonjrene niya, “Beduru kaeri, ka anto adhi lemo.”

Mariko 14:42

Chunguru, wadhiuru. Ero, jandhokna osekayo machiegni.”

Johana 14:31

Gigo duto nyaka timre kamano mondo piny ong’e ni ahero Wuora, kendo ni atimo mana gik ma Wuora nyisa mondo atim. “Koro chung’uru mondo wawuog wadhi!

Johana 18:26

Ng’at achiel kuom jotich jadolo maduong’, ma wat ng’at mane Petro ochadho ite cha nopenjo Petro niya, “Donge nende aneni kode e puodho kucha?”

Tich Joote 21:11

Ne okawo okanda Paulo, mi otweyogo lwetene gi tiendene owuon, kowacho niya, “Roho Maler owacho ni jo-Yahudi man Jerusalem notue wuon okandani mana kama, kendo ginikete e lwet joma ok jo-Yahudi.”