Johana 17:2 - MUMA MALER 2015

² Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

Motingʼo Loko Manyien

² Nimar isemiye loch ewi ji duto mondo omi ji duto misemiye oyud ngima mochwere.

Johana 17:2 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Johana 17:6

“Asemiyo joma ne igolo e piny ong’eyo kaka ichal. Ne gin jogi, kendo in ema nimiyagi. Giserito wachni,

Johana 17:9

“Koro gin ema akwayonigi. Ok akwa ni piny, to akwayo mana ni joma ne imiya, nikech gin jogi.

Johana 3:35

Wuoro ohero Wuowi, kendo oseketo gik moko duto e lwete.

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 6:39

Jal mane oora dwaro ni kik awit kata ng’at achiel kuom joma ne omiya, to ni mondo achiergi duto chieng’ giko piny.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!

1 Jo-Korintho 15:25

nimar Kristo nyaka bed gi loch nyaka chop Nyasaye ket wasike duto e bwo tiende.

Jo-Efeso 1:20

mane otiyogo kochiero Kristo oa kuom joma otho, mi oketo e bade korachwich e polo.

Jo-Filipi 2:10

Kamano gik moko duto manie polo gi manie piny kod manie bwo piny mondo ogo chonggi piny, omi nying Yesu duong’,

1 Timotheo 1:16

to Yesu Kristo ne okecha mana ni mondo kuoma ema okwong onyisie ji kaka ojahore mos ahinya. Nodwaro bende mondo obed ranyisi ni joma biro yie kuome mondo oyud ngima mochwere.

Jo-Hibrania 1:2

to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto.

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.

1 Johana 1:2

Kane ngimano osefwenyore, to ne wanene. Mano emomiyo wawuoyo kuome, kwanyisou wach ngima mochwere nyaka chieng’ mane ni kod Wuoro, kendo mane ofwenyorenwa.

1 Johana 2:25

Ma e singruok mar ngima ma nyaka chieng’ mane osingore ni nomiwa.

1 Johana 5:20

Wang’eyo bende ni Wuod Nyasaye osebiro, mi omiyowa rieko mondo wang’ego Nyasaye maradier. Wan kuom Jal maradier, ma en Yesu Kristo Wuod Nyasaye. En e Nyasaye maradier, kendo en e ngima ma nyaka chieng’.

Juda 1:21

Nyaka ubed e hera mar Nyasaye, mondo urit ngima ma nyaka chieng’ ma Ruoth Yesu Kristo biro miyou kuom ng’wonone.