Johana 17:19 - MUMA MALER 2015

¹⁹ Achiworani nikech gin, mondo gin bende gibed joma owalni kuom adiera.

Motingʼo Loko Manyien

¹⁹ Apwodhora nikech gin, mondo omi gin bende gipwodhreni gi adiera.

Johana 17:19 ပူးပေါင်းရင်းမြစ်များ

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Johana 10:36

Kane Nyasaye oluongo joma ne wachne obironigi ni, ‘Nyiseche’ kamano, koro ere gima omiyo uwacho ni apiem gi Nyasaye, ka awacho ni an Wuod Nyasaye? To an ema Nyasaye ne oyiera, mi oora e piny ka!

Johana 15:13

Onge hera maduong’ ma ng’ato nyalo herogo osiepne, moloyo chiwonigi ngimane.

Johana 15:3

Un koro osedoko maler nikech wach ma asewachonu.

Johana 17:17

Walgi gichiwreni kuom adiera. Wachni en adiera.

Johana 17:20

“Ok gin kende ema akwayonigi, to akwayo bende ni jogo moyie kuoma nikech wach ma gilando.

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

2 Jo-Korintho 4:15

Mago duto obetie nikech un, mondo kaka ji mayudo ng’wono mogundho mar Nyasaye medore, e kaka erokamano mimiyogo Nyasaye duong’ bende omedore.

2 Jo-Korintho 7:14

To komedore gi jip mane wan wawegi wayudo, ne wadoko mamor moloyo nikech mor mane Tito oduogogo. Ne uduogo chunye un uduto.

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

Jo-Kolosai 1:6

Wach Maberno nyago olemo, kendo olandore e piny ngima, mana kaka oselandore e kindu, chakre chieng’ mane ukwongo winjoe wach ng’wono mar Nyasaye, mi ung’eye adier.

1 Jo-Thesalonika 4:7

Nyasaye ok oseluongowa mondo wadag e dwanyruok, to oseluongowa mondo wabed joma ler.

2 Timotheo 2:10

Mano emomiyo adhil e weche duto nikech joma Nyasaye oseyiero, mondo gin bende giyud warruok man kuom Kristo Yesu, kod duong’ne mochwere.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Jo-Hibrania 9:13

Ka remb diek gi remb ruedhi kod buch roya mikiro nyalo pwodho ringre joma ogak mi gidok maler,

Jo-Hibrania 9:18

Mano emomiyo kata mana winjruok mokwongono ne ok ochako tich ka onge remo.

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Johana 3:18

Nyithinda, kik waher ji mana gi dhok kende, to nyaka waher ji gi tim, kendo gi adiera.

1 Johana 3:3

Ng’ato ka ng’ato man gi genoni kuom Kristo pwodhore owuon mondo obed maler, mana kaka Kristo bende ler.