Johana 17:15 - MUMA MALER 2015

¹⁵ Ok akwa ni mondo igolgi e piny, to akwayo mana ni mondo iritgi kuom Ng’ama Rach.

Motingʼo Loko Manyien

¹⁵ Ok alam mondo igolgi oko e piny, to alamo ni iritgi mondo kik Ngʼama Rach timnegi marach.

Johana 17:15 ပူးပေါင်းရင်းမြစ်များ

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

1 Weche mag Ndalo 4:10

Jabez nokwayo Nyasach Israel niya, “Yie igwedha, kendo imed mbap pinya, bende lweti orita mondo kik gima rach hinya.” Mi Nyasaye nomiye gima nokwayono.

Zaburi 121:7

Ruoth Nyasaye biro riti e masiche duto. Adier, obiro riti maber.

Zaburi 30:9

Ere ber ma thona biro kelo? Koso ohala ma ibiro yudo ka adhi e bur, to ere? Bende ng’ama otho nyalo paki adier, kata hulo berni mochwere?

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 57:1

Ji makare tho, to onge ng’ama dewo. Bende joma oyie kuom Nyasaye iwito kucha, to onge ng’ama penjo. Adier, richo ema yueyo joma kare oko,

Mathayo 5:37

To ka udwaro wacho ni ‘Ee’, to wachuru mana ni ‘Ee’, to ka en ‘Ooyo’, to obed mana ‘Ooyo’, nikech gima okadho kanyo to oa mana kuom Satan.

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Luka 11:4

bende wenwae richowa, nikech wan wawegi bende waweyo ni ji duto matimonwa marach, kendo kik iwe wadonj e tem.”

Luka 22:32

To in aselemoni mondo yieni kik lal, kendo ka iselokori, miduogo ira, to nyaka ijiw oweteni.”

Jo-Galatia 1:4

Ruodhwa Yesu Kristo ema ne ochiwore owuon nikech richowa, mondo oreswa e piny marach ma kawuononi, koyie timo kaka Nyasaye Wuonwa dwaro.

2 Jo-Thesalonika 3:3

To Ruoth en jaadiera, omiyo enojiwu, kendo enoritu kuom Ng’ama Rach.

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

1 Johana 5:18

Wang’eyo ni onge nyathi Nyasaye mosiko katimo atima richo, nikech Wuod Nyasaye orite, omiyo Ng’ama Rach ok nyal mule.

1 Johana 5:19

Wang’eyo ni wan mag Nyasaye, to piny duto bende nie lwet Ng’ama Rach.