Johana 17:1 - MUMA MALER 2015

¹ Kane Yesu osetieko wacho wechego, nong’iyo polo, mowacho niya, “Wuora, sana koro osechopo. Mi wuodi duong’.

Motingʼo Loko Manyien

¹ Kane Yesu osetieko wacho wechegi, nongʼiyo polo bangʼe olamo kama: “Wuora, sa osechopo. Mi Wuodi duongʼ mondo Wuodi bende omiyi duongʼ.

Johana 17:1 ပူးပေါင်းရင်းမြစ်များ

Zaburi 123:1

A Ruoth Nyasaye in ema arangi, kating’o wang’a e polo kuma kom duong’ni nitie.

Isaya 38:14

omiyo aywak mana ka opija kata akuru, kendo wengena otho bo kuom rango malo. A Ruoth Nyasaye, winj ywakna mondo ibed jawarna.

Mariko 14:41

Ne ochako odwogo irgi mar adek, mopenjogi niya, “Pod unindo aninda kuyueyo? Oromo! Sa osechopo! Neuru, Wuod Dhano koro ichiwo e lwet joricho.

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”

Luka 22:53

Pile ne an kodu e Hekalu, to ne ok umaka. To koro ma e sa maru, ka teko mar mudho tiyo.”

Johana 11:4

To kane Yesu owinjo wachno, nowacho ni, “Tuono ok en mar tho, to osebiro mana ni mondo Wuod Nyasaye bende oyud duong’.”

Johana 11:41

Kuom mano ne ging’ielo kidi oko. Yesu nong’iyo malo, mowacho niya, “Wuora, agoyoni erokamano nikech isewinja.

Johana 12:23

To Yesu nodwokogi niya, “Sa koro osechopo ma Wuod Dhano yudoe duong’ne maler.

Johana 13:1

Koro Sap Pasaka ne chiegni ahinya, kendo Yesu nong’eyo ni kindene osechopo moago e pinyni, odok ir Wuoro. Nosehero joge owuon manie piny, to koro obiro nyiso kaka oherogi chuth nyaka giko.

Johana 16:32

To winjuru! Ndalo biro, kendo ose mana chopo, ma nokeue, mi ng’ato ka ng’ato dhi e dalane owuon, mi uweya kenda. To chutho ok an kenda, nikech Wuora ni koda.

Johana 7:30

Eka ne gitemo make, to ne ok ginyal, nikech kindene ne pok ochopo.

Johana 7:39

To Yesu ne oloso kuom Roho, ma ji duto moyie kuome ne biro yudo. To e kindeno Roho ne pok obiro, nikech Yesu ne pok oyudo duong’ne.

Johana 8:20

Yesu nowacho wechego duto kopuonjo ji e Hekalu, ei ot mane oketie sanduge mag sadaka. Kata kamano onge ng’ama nomake, nikech kindene ne pok ochopo.

Tich Joote 3:13

Nyasach Ibrahim gi Isaka kod Jakobo, ma Nyasach kwerewa, osemiyo jatichne Yesu duong’. En Yesu mane undhogo, mi ukwedo e nyim Pilato, kata obedo ni Pilato ne dwaro gonye kamano.

1 Petro 1:21

nimar en ema omiyo uyie kuom Nyasaye mane ochiere oa kuom joma otho, kendo omiye duong’. Adier, en ema omiyo ubedo gi yie kod geno kuom Nyasaye.