Johana 16:8 - MUMA MALER 2015

⁸ kendo ka osebiro, to enonyis piny tiend richo, gi tiend tim makare, kod tiend ng’ado bura, mondo ji ong’e kaka gin joricho.

Motingʼo Loko Manyien

⁸ Ka obiro, nopuonj piny mondo ongʼe tiend richo, tim makare kod kum mabiro.

Johana 16:8 ပူးပေါင်းရင်းမြစ်များ

Tim jo-Lawi 13:12

To ka tuono nenore ni jadolo ka gima olandore motieko dend ng’atno duto,

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Johana 16:7

To kata kamano awachonu adier ni ber ka adhi, nikech ka ok adhi, to Jakony ok nobinu. To ka adhi to anaore iru,

Johana 16:9

“To enonyisgi ni tamruok yie kuoma en richo.

Johana 8:46

Ere ng’ato kuomu ma nyalo ng’eng’a ni an jaricho? To ka awacho adiera, ang’o momonou yie wachna?

Johana 8:9

To kane giwinjo gima owacho, ne gia kanyo achiel achiel chakre joma dongo nyaka joma tindo, mi Yesu kende ema nodong’, ka dhakono ochung’ bute.

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

1 Jo-Korintho 14:24

To ka ji duto hulo wach moa kuom Nyasaye, mi ng’at moro makia, kata ma ok oyie, obiro, to weche duto mowinjo chwowo chunye, kendo miyo bura loye,

Juda 1:15

mondo okum piny duto, kendo omi jogo ma ok oluoro Nyasaye yie timbegi maricho, kod weche malit duto, ma gin joricho ma ok oluoro Nyasaye, gisewacho kuome.”