Johana 16:27 - MUMA MALER 2015

²⁷ nimar Wuoro owuon oherou, nikech uhera, kendo uyie ni ne aa ire.

Motingʼo Loko Manyien

²⁷ Ooyo, Wuoro owuon oherou nikech usehera kendo useyie ni ne aa ka Nyasaye.

Johana 16:27 ပူးပေါင်းရင်းမြစ်များ

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 16:30

Koro wasefwenyo ni ing’eyo gik moko duto, kendo onge tiende mondo ng’ato openji gimoro. Mano omiyo wayie ni ia ir Nyasaye.”

Johana 17:23

ka an kuomgi, kendo in kuoma. Kamano gibed malong’o nyaka chop gibed achiel chutho, mondo piny ong’e ni niora, kendo iherogi kaka ihera.

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 3:13

Onge ng’at mosedhi e polo, mak mana Wuod Dhano, mane olor oa e polo.

Johana 7:29

An to ang’eye, nikech aa ire, kendo en ema noora.”

Johana 8:42

Yesu nowachonigi niya, “Ka dabed ni Nyasaye e wuonu adier, to da uhera, nikech an ne aa ka Nyasaye, kendo koro an kodu ka. Ne ok abiro gi tekona awuon, to En ema noora.

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

1 Timotheo 1:15

Wach maradier kendo mowinjore ji oyiego chuth en ni, “Yesu Kristo nobiro e piny mondo owar joricho,” To an e jaricho marachie moloyo joricho duto,

Jo-Hibrania 12:6

nikech ng’ama Ruoth ohero ema okumo. Adier, yawuote duto moyiego ema ochwado.”

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

1 Johana 4:19

Nyasaye ema noherowa mokwongo, mano emomiyo wahere kaachiel gi ji mamoko bende.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.