Johana 16:25 - MUMA MALER 2015

²⁵ “Asenyisou wechegi gi ngeche. To kinde biro ma ok nachak awuoe kodu gi ngeche kamano, to ananyisu wach Wuora mana malong’o ratiro.

Motingʼo Loko Manyien

²⁵ “Kata obedo ni asebedo ka awuoyonu gi ngeche, to ndalo biro ma ok nawuo kodu kamano, to ananyisu maler kuom Wuora.

Johana 16:25 ပူးပေါင်းရင်းမြစ်များ

Zaburi 49:4

Anachik ita mondo awinj tiend ngero, kendo anahul tiende ka agoyo thum.

Zaburi 78:2

Abiro wuoyo kodu gi ngero, ka anyisou tiend midhierni mane otimore chon.

Ngeche 1:6

mondo ong’e tiend ngeche kod weche matek ma joma riek wach.

Ezekiel 20:49

To an Ezekiel, ne adwoko Ruoth nyasaye niya, “Yaye Ruoth Nyasaye, ji duto wacho ni, ‘Jali obembowa gi ngeche mathoth!’ ”

Mariko 4:13

Eka Yesu nopenjogi niya, “Ok uwinj tiend ngeroni adier? Ka kamano, to koro ere kaka duwinj tiend ngero moro amora?

Mariko 4:34

Ne opuonjogi mana gi ngeche, to bang’e kane odong’ gi jopuonjrene kende, to onyisogi tiend weche duto.

Mariko 8:32

Ne owachonigi wachno ratiro. To Petro nogole tenge, ni ok onego olos kamano.

Johana 10:24

Eka jo-Yahudi nochokore molwore, mi openje ni, “Ibiro miyo wariwo gi kiawa nyaka karang’o? Ka in e Mesia to nyiswa ane malongo!”

Johana 10:6

Kata obedo ni Yesu nogoyonigi ngerono, to ne ok giwinjo tiende.

Johana 16:12

“Pod an gi weche mathoth mowinjore awachnu, to pod ok unyal winjogi.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Johana 16:32

To winjuru! Ndalo biro, kendo ose mana chopo, ma nokeue, mi ng’ato ka ng’ato dhi e dalane owuon, mi uweya kenda. To chutho ok an kenda, nikech Wuora ni koda.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.