Johana 16:15 - MUMA MALER 2015

¹⁵ Gik moko duto ma Wuora nigo gin maga. Mano emomiyo asewachonu ni gik moko duto ma Roho nonyisu nogol kuoma.

Motingʼo Loko Manyien

¹⁵ Gik moko duto ma Wuora nigo gin maga. Mano emomiyo ne awachonu ni gik moko duto ma Roho nowachnu nogol kuoma.”

Johana 16:15 ပူးပေါင်းရင်းမြစ်များ

Johana 17:10

Giga duto gin magi; gigi bende gin maga, kendo kuomgi ema aseyudoe duong’ maler.

Johana 3:35

Wuoro ohero Wuowi, kendo oseketo gik moko duto e lwete.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Jo-Kolosai 1:19

nikech Nyasaye owuon ema ne oyiero mondo en owuon odag kuom Kristo gi kite duto.

Luka 10:22

“Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Johana 13:3

Kata obedo ni Yesu nong’eyo ni Wuoro oseketo gik moko duto e lwete, kendo ni ne osea ir Nyasaye, kendo koro odok ire,

Jo-Kolosai 2:9

Nyasaye mangima gi kite duto odak kuom Kristo, tiende ni e ringre Kristo,

Johana 17:2

Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

Jo-Kolosai 2:3

En ema mwandu duto mag rieko kod ng’eyo opand kuome.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”