Johana 16:13 - MUMA MALER 2015

¹³ To ka Roho mar adiera osebiro, to enopuonju adiera duto. Ok enowach mana wachne owuon, to enowach mana gima owinjo, kendo enonyisu tiend gik mabiro timore.

Motingʼo Loko Manyien

¹³ To ka Roho mar adiera, osebiro, to enopuonju adiera duto. Ok enobed janeno kuome owuon, to nowachnu mana gik mosebedo kowinjo kendo obiro nyisou gik mabiro timore bangʼe.

Johana 16:13 ပူးပေါင်းရင်းမြစ်များ

Isaya 11:2

Roho mar Ruoth Nyasaye nobi kuome. En Roho makelo rieko gi ng’eyo, kendo ma ng’ado ni ji rieko, kendo miyo ji teko, bende en Roho ma puonjo ji luoro Nyasaye.

Joel 2:28

“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.

Johana 12:49

nimar ok asewache gi tekona awuon, to Wuora mane oora ema osenyisa gima onego ahul kendo awachi.

Johana 14:17

Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu.

Johana 14:26

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 15:26

“Abiro oronu Jakony koa kuom Wuoro. En Roho mar adiera moa kuom Wuoro. Ka osebiro to enonyisu wach kuoma.

Johana 16:12

“Pod an gi weche mathoth mowinjore awachnu, to pod ok unyal winjogi.

Johana 3:32

Owacho gik moseneno, kendo mosewinjo, to onge ng’ama oyie ni gima owacho en adier.

Johana 8:38

An awachonu gik ma aseneno kuom Wuora, to un utimo gik ma useneno kuom wuoru!”

Tich Joote 11:28

Achiel kuomgi ma nyinge Agabo nohulo gi teko mar Roho ni kech maduong’ ne biro kwako piny duto. (Kejno nowuok e ndalo loch Klaudio, ruodh jo-Rumi.)

Tich Joote 20:23

Mak mana ni Roho Maler osenyisa e dala ka dala ma asedhiye ni tuech gi sand ema orita.

Tich Joote 27:24

mi owacho niya, ‘Paulo, kik ibed maluor! Nyaka ichung’ e nyim Kaisar, kendo Nyasaye oseyie kuom ng’wonone ni joma kwang’ kodi duto ok bi tho.’

2 Jo-Thesalonika 2:12

Kamano nokum ji duto mane otamore yie adiera, to ohero mana richo.

2 Jo-Thesalonika 2:3

Kik uyie mondo ng’ato owuondu e yo moro amora, bed ni en yor fweny, kata en wach ma ng’ato ohulo, kata barua moro muparo ni mit oa kuomwa, nimar chiengno ok nobi kapok Piem Mogik obetie, kendo kapok Ng’at Mochayo Chik othinyore. En e Jal ma gikone en mana lal.

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.

1 Johana 4:6

Wan to wan mag Nyasaye, omiyo ng’at mong’eyo Nyasaye ema winjowa, to ng’at ma ok ja-Nyasaye ok winjwa. Mano e yo ma wang’eyogo pogruok manie kind Roho mar adiera, gi roho mar miriambo.

1 Johana 5:6

Yesu Kristo e jal mane obiro gi pi mar batisone, kod remo mar thone. To winjuru ni ne ok obiro gi pi kende, to nobiro gi pi kod remo. Roho owuon nyiso ni mano en adier, nikech Roho e adiera.

Fweny 1:1

Ma e fweny mane Nyasaye omiyo Yesu Kristo mondo onyisgo jotichne gik ma nyaka timre piyo. To Kristo nooro malaikane ir Johana jatichne mondo odhi onyise wach fwenyno,

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.