Johana 15:7 - MUMA MALER 2015

⁷ Ka ubet kuoma, kendo wachna obet kuomu, to gimoro amora mukwayo notimnu.

Motingʼo Loko Manyien

⁷ Ka usiko e iya kendo wechena osiko eiu, to unyalo kwayo gimoro amora ma chunyu gombo mi nomiu.

Johana 15:7 ပူးပေါင်းရင်းမြစ်များ

1 Ruodhi 3:5

Kane Solomon odhi dalano, Ruoth Nyasaye nofwenyorene e lek gotieno, mowachone ni, “Kwa gima idwaro mondo amiyi.”

Ayub 22:26

Bang’e ibiro geno kuom Nyasaye pile, kendo ibiro yudo ni en e tiend mor ma in go.

Ayub 23:12

Pile atimo mana gima Nyasaye ochiko. Adier, aluwo mana dwarone, to ok gik ma an ema adwaro.

Zaburi 119:11

Akano wachni e chunya, mondo kik akethi e nyimi.

Zaburi 37:4

Onego iyud mor mana kuom Ruoth Nyasaye, eka omiyi gik ma idwaro.

Ngeche 10:24

Gima jaricho oluoro ema timorene. Ng’at makare to yudo mana gima odwaro.

Ngeche 4:4

to wuora ne puonja kanyisa niya, “Par gik ma anyisi, kendo kik wiyi wil kodgi. Bende tim kaka anyisi, eka inibed mangima.

Isaya 58:8

Kutimo kamano eka ler ma un go noyawre mana ka ru piny, kendo unubed mangima mana ka adhola mosechango. Timbeu uwegi makare ema notelnu, kendo duong’ maler mar Ruoth Nyasaye ema nodong’nu chien.

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Mathayo 7:7

“Kwauru, eka nomiu, kendo dwaruru, eka unuyudi, bende dwong’uru eka noyawnu;

Johana 14:13

Kendo gimoro amora mukwayo e nyinga natim, mondo Wuoro oyud duong’ kuom Wuowi.

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Johana 16:23

Chieng’no ok unupenja wach moro, nimar anawachnu adier ni gimoro amora mukwayo e nyinga, to Wuora nomiu.

Johana 8:31

Yesu nowachoni jo-Yahudi mane oyie wachne niya, “Ka umako puonjna, to eka un jopuonjrena adier.

Johana 8:37

Ang’eyo ni un koth Ibrahim, kata kamano udwaro nega nikech puonjna ok nyal donjonu.

Jo-Galatia 4:2

nikech pod en e bwo joma rite gi joma ochung’ne nyaka chop kinde mane wuon mare oketo.

Jo-Galatia 5:16

To gima awachonu e ma: Wuothuru kuom Roho, eka ok unutim gik ma ngima mar dhano gombo,

Rapar mar Chik 6:6

Chike ma amiyou kawuonogi, kanuru e chunyu,

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

1 Johana 2:14

Un nyithinda, asendikonu nikech ung’eyo Wuoro. Un wuone, asendikonu nikech ung’eyo Jal ma osebetie nyaka a chakruok. To un yawuowi asendikonu nikech utegno, kendo Wach Nyasaye odak e iu, kendo useloyo Ng’ama Rach.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.

1 Johana 3:22

mondo wayud gik moko duto ma wakwayo kuome, nikech wamako chikene, kendo watimo gik malong’o e nyim Nyasaye.

1 Johana 5:14

Wageno kuome chuth nikech wang’eyo ni ka wakwaye gimoro mowinjore gi dwarone, to owinjowa.