Johana 15:25 - MUMA MALER 2015

²⁵ Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

Motingʼo Loko Manyien

²⁵ Mago duto osetimore mana mondo ochop gima ondiki e chikgi ni, ‘Ne gichaya kayiem nono.’

Johana 15:25 ပူးပေါင်းရင်းမြစ်များ

Zaburi 109:3

Giwacho gik malich kuoma, kendo gibuka, maonge gima omiyo.

Zaburi 35:19

Kik iwe loya, mi wasika ma jomiriambogo gona siboi, bende kik iwe joma mon koda kayiem bed mamor nikech chandruok ma an go.

Zaburi 69:4

Joma mon koda kayiem nono ng’eny, moloyo yie wiwa gi ng’eny, bende joma hangona wach kendo dwaro nega, rateke mokadho! Ne gichuna mondo amigi gik mane ok akwalo.

Zaburi 7:4

kata ka po ni asendhogo osiepna moro, kata ka asehinyo jasika kayiem nono,

Mathayo 10:8

To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono.

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 10:34

Yesu nowachonigi ni, “Donge ondiki e Kitap Chiku ni Nyasaye owacho ni, un nyiseche?

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.

Johana 19:36

Gigo notimore mondo weche manie Muma ochopi, kaka ondiki niya, “Onge kata choke achiel ma notur.”

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Jo-Rumi 3:24

To Nyasaye miyo gibet e winjruok kode kuom ng’wonone, nikech Yesu Kristo nowarogi.

2 Jo-Korintho 11:7

Kane alandonu Wach Maber mar Nyasaye, ne ok akwayo chudo moro, to adok piny mondo ating’u malo. Koro kane atimo kamano to ne atimonu marach koso?

Jo-Galatia 2:21

Ok adwar miyo mich ma Nyasaye ochiwo kuom ng’wonone obed kayiem nono. To ka en adier ni mako Chik ema miyo ng’ato bedo e winjruok gi Nyasaye, to kara Kristo notho kayiem nono!

2 Jo-Thesalonika 3:8

Ne ok wayudo chiemo nono kuom ng’ato ma ok wachulo, to ne watiyo matek gi luchwa odiechieng’ gotieno, mondo kik wami ng’ato kuomu ting’ mapek.

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.