Johana 15:20 - MUMA MALER 2015

²⁰ Paruru gima nawachonu ni, ‘Misumba ok duong’ moloyo ruodhe.’ Ka an ema gisanda, to un bende nyaka gisandu, to ka girito wachna, to wachu bende giniriti.

Motingʼo Loko Manyien

²⁰ Paruru weche ma nawachonu ni, ‘Onge jatich maduongʼ moloyo ruodhe motiyone.’ Omiyo ka an ema gisesanda, to un bende gibiro sandou. Ka gimako puonjna, to puonju bende gibiro mako.

Johana 15:20 ပူးပေါင်းရင်းမြစ်များ

Ezekiel 3:7

To jo-Israel ok bi chiko itgi mondo owinj gima iwacho, nikech an bende ne gitamore winjo wachna. Giduto gin jopiem, kendo wigi tek.

Mathayo 10:24

“Japuonjre ok duong’ moloyo japuonjne. Misumba bende ok duong’ moloyo ruodhe.

Mariko 10:39

To ne gidwoke ni, “Ee, dwanyal.” Eka Yesu nowachonigi ni, “Adier, ubiro madho kikombe ma amadho, kendo ibiro sandu gi sand misandago.

Luka 2:34

Simeon noguedhogi, mowacho ni Maria min nyathino niya, “Nyathini oketi mondo ji mang’eny ochung’ e Israel, kendo enobed ranyisi ma ji dagi.

Luka 6:40

Jopuonjre ok nyal loyo japuonjne, to ka ng’ato osepuonjore gik moko duto, eka onyalo bedo marom gi japuonjne.

Johana 10:31

Kane jo-Yahudi owinjo wachno, ne gichako gikwanyo kite kendo mondo gigogo Yesu.

Johana 11:57

Ne giwacho kamano nikech noyudo jodolo madongo gi jo-Farisai osegolo chik ni ka ng’ato ong’eyo kama Yesu nitie, to nyaka ohul, mondo omake.

Johana 13:16

Adier, adier, awachonu ni misumba ok duong’ moloyo ruodhe, kendo ng’at moor ok duong’ moloyo jal moore.

Johana 5:16

Kuom mano, jo-Yahudi nochalo himo Yesu, nikech notimo gik ma kamago chieng’ Sabato.

Johana 7:32

Jo-Farisai nowinjo ka ji kuodho wechego kuom Yesu, omiyo ne giriwo wach gi jodolo madongo, mi gioro askeche mondo omake.

Johana 8:51

Awachonu adier ni, ka ng’ato omako wachna, to ok notho nyaka chieng’.”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

1 Jo-Korintho 4:12

Watiyo matek gi lwetwa wawegi. Ka oyanywa to waguedho joma yanyowa, kendo ka isandowa, to wadhil adhila.

2 Jo-Korintho 4:9

Isandowa, to ok jwang’wa, bende igoyowa piny, to ok negwa.

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.

2 Timotheo 3:12

Chutho, ji duto madwaro doko joma oluoro Nyasaye kodembore kuom Kristo Yesu to nyaka yud sand.

1 Samuel 8:7

to Ruoth Nyasaye nowachone niya, “Winj gima ji wachoni. Ok in ema gidagi, to an ema gisedaga, ni kik abed ruodhgi.