Johana 15:19 - MUMA MALER 2015

¹⁹ Ka da bed ni un mag pinyni, to da piny ohero gire owuon. To piny mon kodu nikech aseyierou kuom piny, omiyo koro ok un mag piny.

Motingʼo Loko Manyien

¹⁹ Ka dine bed ni un mag pinyni, to piny dine oherou kaka joge owuon. Piny mon kodu nikech aseyierou, omiyo koro ok un mar pinyni.

Johana 15:19 ပူးပေါင်းရင်းမြစ်များ

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Mathayo 24:9

“E ndalogo, ginimaku ma giteru mondo okumu kendo onegu, bende ogendini duto nobed mamon kodu nikech un joga.

Luka 6:32

“Ka uhero mana joma oherou, to koro ere ber mutimo? Kata mana joricho bende ohero joma oherogi!

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Johana 6:70

To Yesu nodwokogi niya, “Un ji apar gariyo, donge ne ayierou uduto? To kata kamano ng’at achiel kuomu en jachien.”

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.

1 Johana 3:12

Kik wachal gi Kain, mane odoko nyathi Ng’ama Rach, mi onego owadgi. To ere gimomiyo Kain nonego owadgi? Donge nonege nikech timbene ne richo en owuon, to timbe owadgi ne kare?

Fweny 12:17

Kuom mano, thuol nokecho gi dhakono, mi odhi mondo oked gi nyithind dhakono modong’, marito chik Nyasaye, kendo mahulo ni giyie kuome,

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.