Johana 15:14 - MUMA MALER 2015

¹⁴ Ka utimo gik ma achikou, to eka un osiepena.

Motingʼo Loko Manyien

¹⁴ Un osiepena mana kutimo gik ma achikou.

Johana 15:14 ပူးပေါင်းရင်းမြစ်များ

1 Ruodhi 4:5

Azaria wuod Nathan ne jatend jodong piny; Zebud wuod Nathan ne jadolo kendo osiep ruoth;

2 Ruodhi 18:6

nikech nopadore kuom Ruoth Nyasaye chutho, ka ok oweyo luwe, kendo norito chike duto mane Ruoth Nyasaye omiyo Musa.

2 Weche mag Ndalo 20:7

A Nyasachwa, donge in ema nichiwo pinyni ni nyikwa Ibrahim ma osiepni, kiriembo joma nodakie mondo owe thuolo ni jogi Israel, odagie nyaka chieng’?

Wuok 7:6

Kuom mano Musa gi Harun notimo mana kaka Ruoth Nyasaye nochikogi.

Ngeche 18:24

Osiepe moko beyo mana kuom mbekni manono. Osiep maber to nyalo geni moloyo kata mana owadu monywoligo.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 41:8

To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna,

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Ezekiel 12:7

Ne atimo kaka Ruoth Nyasaye ne onyisa, mana godiechieng’no. Ne atueyo misigo mana ka ng’ama ringo tony e lweny, kendo kane piny oyuso, ne atucho kor oda gi lweta, mi aketo misika e goka, eka awuok gi e otuch, mana ka ji nena.

Mathayo 12:50

nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Luka 12:4

“Un osiepena, awachonu ni kik uluor joma nego mana ringruok kende, to bang’e onge gima rach ma ginyalo medo timo.

Johana 13:17

Ka ung’eyo wachno, to un johawi kutiyo kode.

Johana 14:15

“Ka uhera to unumak chikena.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 14:28

Usewinjo ka awachonu ni adhi, to kata kamano abiro duogo iru. Ka da bed ni uhera, to da ubedo mamor ni adhi ir Wuoro, nikech Wuoro nigi duong’ moloya.

Johana 2:5

Eka min mare nowacho ni jotich ni, “Timuru gimoro amora mowachonu.”

Jakobo 2:23

Kamano wach manie Muma nochopo kare, mawacho niya, “Ibrahim noyie kuom Nyasaye, mi yieneno ema nomiyo Nyasaye okwane ka ng’ama kare.” Mano nomiyo Nyasaye oluonge ni osiepne.

1 Johana 5:3

nikech hero Nyasaye en mako chikene. Chike Nyasaye ok tek rito,

Ruth 3:6

Ruth nodhi kar dino motimo duto mane wuon odgi owachone.