Johana 15:1 - MUMA MALER 2015

¹ “An e mzabibu maradier, kendo Wuora e japur mzabibuno.

Motingʼo Loko Manyien

¹ “An e mzabibu madier, kendo Wuora e japur mar mzabibuno.

Johana 15:1 ပူးပေါင်းရင်းမြစ်များ

Wer Mamit 7:12

Wabiro chiew gokinyi mondo warang yiend mzabibu, kendo wane ane ka gisechako loth, kata ka gisechako thiewo. Bende mondo wane ane ka yien moko osemoyo. Eka anachiwrani kuno.

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 60:21

Jogi duto nobed joma kare, kendo piny nobed margi nyaka chieng’. Ginichal gi bad yath ma an ema apidho gi lweta awuon, mondo okelna duong’.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Jeremia 12:10

Jotelo mag pinje mamoko oseketho puotha mar mzabibu. Gisenyono puothena piny gi tiendgi, mi giloko pinya maber odoko motwo ma ok nyag gimoro.

Jeremia 2:21

Ne apidhou ka ng’ama pidho mzabibu moyier, mana ka kodhi maberie moloyo, to neyeuru kaka koro uchalo! Uchalo gi mzabibu marach ma ok nyag olemo mabeyo.

Ezekiel 19:10

“Meru ne chalo gi mzabibu mopidhi e bath aora, motimo oboke mathoth, kendo manyak maber, nikech ne nitie pi mang’eny.

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Mathayo 15:13

Yesu nodwokogi ni, “Gimoro amora mane Wuora mae polo ok opidho, ibiro pudho.

Mathayo 20:1

Eka Yesu nomedo wacho niya, “Loch Polo chalo gi wuon puoth mzabibu mane owuok gokinyi mang’ich kadhi dwaro jotich mondo otine e puothe.

Mathayo 21:33

“Koro winjuru ngero machielo. Ne nitie ng’at moro mane oloso puoth mzabibu. Nochielo puodhono, mokunyone bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Mariko 12:1

Bang’e Yesu nochako wuoyo kodgi gi ngeche, kowacho niya, “Ng’at moro noloso puoth mzabibu. Nochielo puodhono, mokunyo bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.

Luka 13:6

Eka Yesu nogoyonigi ngero niya, “Ng’at moro ne nigi yadh ng’owo e puothe mar mzabibu. Chieng’ moro ne odhi rango ka doyud olemo kuome, to ne ok oyudo.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 1:9

Wach ne en ler maradier marieny ni ji duto, kendo ne oyudo obiro e piny e kindeno,

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 6:32

Eka Yesu nomedo wachonigi niya, “Adier, adier, awachonu ni, Musa ne ok omiyou kuon maradier moa e polo, to Wuora ema miyou kuon maradier moa e polo,

Johana 6:55

Ringra e chiemo madieri, kendo remba e math adieri.

Jo-Rumi 11:17

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

1 Jo-Korintho 3:9

Waduto wan jotich Nyasaye; un to un puoth Nyasaye, kendo un ot ma Nyasaye gero.

1 Johana 2:8

To kata kamano, chik ma andikonu en chik manyien, kendo adiera mare ineno kuom Kristo, kendo ineno kuomu, nikech mudho rumo, kendo ler maradier koro osechako rieny.