Johana 14:24 - MUMA MALER 2015

²⁴ Ng’at ma ok ohera, to ok rit wachna. To wach ma uwinjo ok mara, to en mana mar Wuora mane oora.

Motingʼo Loko Manyien

²⁴ Ngʼama ok ohera ok nyal timo gima apuonjo. Weche muwinjogi ok gin maga awuon, to gin mag Wuora mane oora.

Johana 14:24 ပူးပေါင်းရင်းမြစ်များ

Mathayo 19:21

Yesu nowachone niya, “Ka idwaro doko malong’o chutho, to dhiyo mondo ilok mwanduni pesa, mondo ipog ni joma odhier, eka inibed gi mwandu e polo, to kisetimo kamano, to bi iluwa.”

Johana 14:10

Donge uyie ni an ei Wuora, kendo Wuora ni e iya? Gik ma awachonu ok awach mana gi tekona awuon, to Wuora modak e iya ema tiyo tijene.

Johana 14:15

“Ka uhera to unumak chikena.

Johana 14:25

“Asewachonu wechegi kapod an kodu,

Johana 3:11

Awachoni adier ni wawacho gik ma wang’eyo, kendo wanyiso ji gik ma waseneno, to onge ng’ato kuomu moyie ni gik mwawacho gin adier.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Johana 5:19

To Yesu nodwokogi niya, “Adier, adier awachonu ni, Wuowi ok nyal timo gimoro kende owuon, to otimo mana gima oneno ka Wuoro timo, nikech gima Wuoro timo, ema Wuowi bende timo.

Johana 5:38

Wachne ok bedi e chunyu, nikech ok uyie kuom Jal mane ooro.

Johana 7:16

Yesu nodwokogi ni, “Gik ma apuonjo ok gin maga awuon, to gin mag Jal mane oora.

Johana 7:28

Mano nomiyo Yesu owacho gi dwol maduong’, kopuonjo e Hekalu niya, “En adier ni ung’eya, kendo en adier ni ung’eyo kuma aaye, to kata kamano ok asebiro gi tekona awuon. Jal mane oora e wuon adiera, to un ok ung’eye.

Johana 8:26

Nitie gik mang’eny ma adwaro wacho kuomu, kendo ma adwaro ng’adonugo bura. Jal mane oora en jaadiera kendo wach ma ayudo kuome ema anyiso piny.”

Johana 8:28

Omiyo Yesu nowachonigi niya, “Ka useting’o Wuod Dhano malo, eka unung’e ni an e En. Bende unung’e ni onge gima atimo gi tekona awuon, to weche duto ma awacho, Wuora ema osepuonja.

Johana 8:38

An awachonu gik ma aseneno kuom Wuora, to un utimo gik ma useneno kuom wuoru!”

Johana 8:42

Yesu nowachonigi niya, “Ka dabed ni Nyasaye e wuonu adier, to da uhera, nikech an ne aa ka Nyasaye, kendo koro an kodu ka. Ne ok abiro gi tekona awuon, to En ema noora.