Johana 14:23 - MUMA MALER 2015

²³ Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Motingʼo Loko Manyien

²³ Yesu nodwoke niya, “Ka ngʼato ohera to obiro rito puonjna, Wuora biro here, kendo wabiro biro ire mi walos kar dakwa kode.

Johana 14:23 ပူးပေါင်းရင်းမြစ်များ

Chakruok 1:26

Eka Nyasaye nowacho niya, “Koro wachue dhano e kido machal kodwa. Enobed gi teko kuom rech gi winy gi jamni kod gik mamol duto.”

Chakruok 11:7

Omiyo wadhi wapog dhogi, mondo ng’ato ka ng’ato kik winj dho wadgi.”

Zaburi 90:1

A Ruoth Nyasaye, nyaka nene isebedonwa kar dak.

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Johana 10:30

Wan gi Wuora wan gimoro achiel.”

Johana 14:15

“Ka uhera to unumak chikena.

Johana 14:17

Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 14:24

Ng’at ma ok ohera, to ok rit wachna. To wach ma uwinjo ok mara, to en mana mar Wuora mane oora.

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Johana 16:27

nimar Wuoro owuon oherou, nikech uhera, kendo uyie ni ne aa ire.

Johana 6:56

Kamano ng’at ma ochamo ringra, kendo omadho remba, ema osiko kuoma, kendo an bende asiko kuome.

Johana 8:51

Awachonu adier ni, ka ng’ato omako wachna, to ok notho nyaka chieng’.”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

1 Johana 2:24

Un to neuru ni wach musewinjo nyaka a chakruok osiko e chunyu. Ka gima nuwinjo nyaka a chakruokno osiko e chunyu, to pile unusik ka unie achiel gi Wuowi kod Wuoro.

1 Johana 2:5

To ng’ama orito wach Nyasaye ema hera moherogo Nyasaye oselosi mobedo malong’o chuth. Mano e kaka wanyalo bedo gi ratiro ni wan jo-Nyasaye.

1 Johana 4:4

Nyithinda, un nyithind Nyasaye, kendo useloyo johul wach mag miriambogo, nikech Jal manie iu duong’ moloyo jal manie piny.

1 Johana 5:3

nikech hero Nyasaye en mako chikene. Chike Nyasaye ok tek rito,

2 Johana 1:6

To hera ma awuoyo kuomeni dwaro ni mondo wawuothi kaka chik Nyasaye dwaro. En e chik achiel ma usewinjo a chakruok, ni, “Daguru e hera.”

Fweny 21:22

Ne ok aneno Hekalu e dalano, nimar Ruoth Nyasaye Manyalo Gik Moko Duto kod Nyarombo ema obedo Hekalu mare.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.

Fweny 22:3

Gik ma Nyasaye okwedo to nolal nono. Kom duong’ mar Nyasaye gi Nyarombo ema nobedie, kendo jotichne nolame.