Johana 14:20 - MUMA MALER 2015

²⁰ Chieg’no unung’e ni an ei Wuoro, kendo ni un e iya, bende ni an e iu.

Motingʼo Loko Manyien

²⁰ Odiechiengʼno unungʼe ni an ei Wuora; kendo ni un e iya, kendo an eiu.

Johana 14:20 ပူးပေါင်းရင်းမြစ်များ

Johana 10:38

To ka atiyo tichne, to kata ka ok unyal yie koda, to onego uyie gi tich matiyo, mondo ung’e chutho ni an ei Wuora kendo Wuora ni eiya.”

Johana 14:10

Donge uyie ni an ei Wuora, kendo Wuora ni e iya? Gik ma awachonu ok awach mana gi tekona awuon, to Wuora modak e iya ema tiyo tijene.

Johana 14:11

Yieuru koda ni an ei Wuora, kendo Wuora ni e iya. To ka ok unyal yie wechena, to yieuru nikech tijenego.

Johana 16:23

Chieng’no ok unupenja wach moro, nimar anawachnu adier ni gimoro amora mukwayo e nyinga, to Wuora nomiu.

Johana 16:26

E ndalogo unukwa Wuoro gima udwaro e nyinga, to ok awachi ni anakwanu Wuoro,

Johana 17:11

An koro ok anie piny, nimar abiro iri. To gin pod ginie piny. A Wuoro Maler, ritgi gi teko mar nyingi ma isemiya, mondo gibed achiel, mana kaka wan kodi wan achiel.

Johana 17:26

Asemiyo ging’eyi, kendo abiro medo miyo ging’eyi, mondo hera miherago obed kuomgi, kendo an bende abed kuomgi.”

Johana 17:7

kendo koro ging’eyo ni gik moko duto misemiya wuok mana kuomi.

Johana 6:56

Kamano ng’at ma ochamo ringra, kendo omadho remba, ema osiko kuoma, kendo an bende asiko kuome.

Jo-Rumi 16:7

kendo mosnauru bende Androniko kod Junias. Gin jo-Yahudi wetena, mane otwewago. Gin joma ogen kuom joote, bende ne gikwongona bedo jo-Kristo.

Jo-Rumi 8:1

Mano emomiyo koro onge bura kuom jogo man kuom Kristo Yesu,

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

2 Jo-Korintho 12:2

Ang’eyo ja-Kristo moro mane oter e polo mar adek, higni apar gang’wen mokadho. (Ok ang’eyo ka ringre ema ne oter kuno, kata ne oneno mana fweny.)

2 Jo-Korintho 13:5

Nonreuru pile mondo une ane ka un gi yie. Adier, ng’ireuru uwegi! Donge ung’eyo ni Yesu Kristo nie iu, mak mana ka un joma orem?

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

2 Jo-Korintho 5:19

kwanyisogi ni Nyasaye nomiyo piny owinjore kode kuom Kristo, ka ok okwan ni ji richogi. Wan ema ne Nyasaye omiyowa wach winjruokni.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Kolosai 1:19

nikech Nyasaye owuon ema ne oyiero mondo en owuon odag kuom Kristo gi kite duto.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

Jo-Kolosai 2:9

Nyasaye mangima gi kite duto odak kuom Kristo, tiende ni e ringre Kristo,

1 Johana 4:12

Kata obedo ni nyaka nene onge ng’at moseneno Nyasaye, to ka waherore waduto, to Nyasaye osiko e iwa, kendo herane chopo tichne kuomwa chuth.