Johana 13:38 - MUMA MALER 2015

³⁸ To Yesu nodwoke ka penje ni, “Bende diyie tho nikech an adier? Adier, adier, awachonu ni, ibiro kweda nyadidek, kapok thwon gweno okok.”

Motingʼo Loko Manyien

³⁸ Eka Yesu nodwoke niya, “Bende inyalo chiwo ngimani nikech an adier? Anyisi ni kapok thuon gweno okok, wangʼ inikweda nyadidek!

Johana 13:38 ပူးပေါင်းရင်းမြစ်များ

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 28:26

Ng’at mogeno kuom riekone owuon en ng’at mofuwo, to ng’at ma luwo puonj joma riek dhi nyime maber.

Ngeche 29:23

Sunga ema miyo ji podho. Joma muol to yudo luor.

Mathayo 26:34

Yesu nodwoke ni, “Adier awachoni ni, otieno ma kawuononi, ka pok thuon gweno okok, to ibiro kweda didek.”

Mariko 14:30

Yesu nodwoke ni, “Adier awachoni ni otieno ma kawuononi, ka pok thwon gweno okok diriyo, to ibiro kweda didek.”

Luka 22:33

Petro nodwoke ni, “Ruoth, aikora dhi kodi e jela kata mana kar tho bende.”

Luka 22:34

To Yesu nodwoke niya, “Petro awachoni ni thwon gweno ok ang’ nokog tinende kapok ikweda didek ni ok ing’eya.”

Johana 16:31

Yesu nodwokogi niya, “Kara koro uyie?

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Tich Joote 11:10

Gima kamano notimore nyadidek, eka bang’e, nodwok gino duto e polo.

1 Jo-Korintho 10:12

Emomiyo, ng’at ma paro ni ochung’ motegno mondo otang’ kik opodhi.