Johana 13:34 - MUMA MALER 2015

³⁴ Amiyou chik manyien ni mondo uherru. Kaka aseherou e kaka ng’ato ka ng’ato mondo oher wadgi.

Motingʼo Loko Manyien

³⁴ “Amiyou chik manyien mawacho kama: Herreuru ngʼato gi ngʼato. Mana kaka aseherou e kaka nyaka uherru ngʼato gi ngʼato.

Johana 13:34 ပူးပေါင်းရင်းမြစ်များ

Zaburi 119:63

An e kanyakla mar ji duto ma tiyoni, kendo ma orito chikeni.

Zaburi 16:3

Joma ogeno kuom Ruoth Nyasaye gin joma beyo, kendo amor kodgi gi chunya duto.

Tim jo-Lawi 19:18

Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Johana 15:17

To chik ma amiyou en ni, herreuru e kindu uwegi.

Johana 17:21

Wuora, mi gibed achiel. Kaka in kuoma, kendo kaka an kuomi, e kaka bende gibed kuomwa, mondo piny oyie ni in ema niora.

Jo-Rumi 12:10

Herreuru kaka owete onego herre, ka ng’ato ka ng’ato miyo owadgi duong’ moloyo en owuon.

Jo-Rumi 13:10

Ka ihero wadu, to ok inyal timone marach. Mano emomiyo hera chopo chik duto.

Jo-Rumi 13:8

Kik ubed gi gop ng’ato, to gowi kende ma unyalo bedogo en mana hera ma onego uhergo jowadu. Ng’at mosehero wadgi to osechopo Chik Musa duto.

Jo-Galatia 5:22

To gik ma Roho nyago gin: hera, mor, kue, horuok, ng’wono, ber, bedo jaadiera,

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

Jo-Galatia 6:10

Emomiyo, kinde moro amora mwayudoe thuolo, to ber mondo watim ni ji duto maber, to moloyo ni jogo ma owetewa kuom yie.

Jo-Galatia 6:2

Kawuru ting’ mag jowadu, nikech kutimo kamano to uchopo chik mar Kristo.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Kolosai 1:4

nikech wasewinjo yie ma un-go kuom Yesu Kristo, kod hera muherogo jo-Nyasaye duto.

1 Jo-Thesalonika 3:12

To un, Ruoth mondo omi uherru, kendo uher ji duto gi hera mogundho mana kaka wan bende waherou.

2 Jo-Thesalonika 1:3

Owetewa, nyaka wago erokamano ni Nyasaye nikech un. Owinjore mondo watim kamano nimar yie ma un-go medore ahinya, kendo hera ma ng’ato ka ng’ato kuomu oherogo wadgi bende medore moloyo.

Jo-Hibrania 13:1

Hera ma owete kuom Kristo oherorego mondo osiki.

Jakobo 2:8

Ka umako chik Ruoth ma ondiki e Muma ni, “Her wadu kaka iherori iwuon,” to utimo gima kare.

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

2 Petro 1:7

Luoro Nyasaye to jiwuru gi hero owete, hero owete to jiwuru gi hera maradier.

1 Johana 3:11

Wach musewinjo nyaka a chakruok en ni ng’ato ka ng’ato nyaka her wadgi.

1 Johana 3:23

To chik ma Nyasaye omiyowa en ni mondo wayie kuom nying Wuode Yesu Kristo, kendo waherre ng’ato gi ng’ato mana kaka nochikowa.

1 Johana 4:21

To chik ma waseyudo kuom Nyasaye e ma: Ng’ama ohero Nyasaye nyaka her owadgi bende.

2 Johana 1:5

omiyo koro Minwa, akwayi ni mondo ng’ato ka ng’ato kwomwa oher wadgi. Gima andikoni ok en chik manyien, to en chik ma wasebedogo nyaka a chakruok.