Johana 13:23 - MUMA MALER 2015

²³ To noyudo ka japuonjre Yesu moro mohero obet bute.

Motingʼo Loko Manyien

²³ To noyudo japuonjre mane Yesu ohero, ne chiemo kobedo bute machiegni.

Johana 13:23 ပူးပေါင်းရင်းမြစ်များ

2 Samuel 12:3

to jachan ne onge gi gimoro, mak mana nyarombo achiel kende, ma noseng’iewo. Nopidhe kendo nodongo e ode kaachiel gi nyithinde, kochamo mana chiembe. Nometho e kikombene, kendo nonindo e kore, mobedone kaka nyare.

1 Ruodhi 4:5

Azaria wuod Nathan ne jatend jodong piny; Zebud wuod Nathan ne jadolo kendo osiep ruoth;

Luka 16:22

To mos achien, ng’at modhierno notho, mi malaika noting’e, motere e bath Ibrahim. Bang’e jamokono bende notho, mi oyiki.

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Johana 11:3

Nyimine Lazaro nooro ni Yesu wach niya, “Ruoth, osiepni mihero tuo.”

Johana 11:36

Omiyo jo-Yahudigo nowacho ni, “Neyeuru kaka yandi ohero Lazaro!”

Johana 11:5

Yesu nohero Maritha gi nyamin mare kod Lazaro.

Johana 13:24

Simon Petro nogwelo japuonjreno, monyise mondo openj Yesu ng’at ma owuoyo kuome.

Johana 13:25

Omiyo japuonjreno nomedo sudo machiegni gi Yesu, mopenje ni, “Ruoth, en ng’a miwuoyo kuome?”

Johana 19:26

Kane Yesu oneno min mare, kendo oneno japuonjre mane ohero kochung’ but min mare, nowacho ni min mare niya, “Mama, wuodi ero.”

Johana 20:2

Kuom mano noringo odhi ir Simon Petro kod japuonjre mane Yesu ohero cha, mowachonigi niya, “Gisegolo ringre Ruoth e liel, to wakia kama giketee.”

Johana 21:20

Petro nogoyo machiemo, moneno japuonjre mane Yesu ohero cha, kaluwo bang’gi. En ema ne obet but Yesu e kinde mane gichiemo, mi openje ni, “Ruoth, ere ng’ama biro ndhogi?”

Johana 21:24

Mano e japuonjre mawacho wechegi, kendo en jal mane ondikogi, bende wang’eyo ni gima owacho en adier.

Johana 21:7

Eka japuonjre mane Yesu ohero cha nowacho ni Petro ni, “En Ruoth!” Kane Simon Petro owinjo ni en Ruoth, notueyo nangane e nungone, nikech ne en duk, mi ochikore e nam.