Johana 13:19 - MUMA MALER 2015

¹⁹ Koro anyisou wachno kapok otimore, mondo ka otimore to uyie ni an e En

Motingʼo Loko Manyien

¹⁹ “Koro anyisou wachni chon kapok otimore mondo kotimore, to ubiro yie ni An e Kristo.

Johana 13:19 ပူးပေါင်းရင်းမြစ်များ

Isaya 41:23

Nyiswauru ane gik mabiro timore e kinde mabiro, mondo wayie ni kara un nyiseche adier. Timuru ane gimoro, maber kata marach, manyalo miyo wang’eng’ mi wadhier nono.

Isaya 43:10

To ka ok ginyal, to koro, An Ruoth Nyasaye awacho kama: “An to an gi joneno. Un jo-Israel e joneno maga, kendo jotichna. Aseyierou mondo ung’eya, kendo uket genou kuoma. Bende mondo ung’e ni an e Nyasaye. Nyasaye moro motelona ne pok obedoe, bende moro maluwa ok nobedie.

Isaya 48:5

Mano emomiyo ne ahulonu gigo chon, ka anyisou kapok moro otimore, nikech dipo ka ng’ato kuomu owacho niya, “Nyasacha mane aloso gi chuma ema ne omiyo gitimore.”

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Mathayo 11:3

mondo odhi openje ni, “In e jal monego bi, koso pod warit ng’at machielo?”

Mathayo 24:25

Ero, koro asenyisou wachno chon.

Luka 21:13

Mano e thuolo ma unuyudi mar hulo gik museneno.

Johana 1:15

Johana nonyiso ji wach kuome, kakok niya, “Jali ema yande awuoyo kuome, ka awachonu ni ng’at moro biro bang’a, man gi duong’ moloya, nikech kane pok abetie, en to ne entie.”

Johana 14:29

To bende asenyisou kapok gigi otimore, ni mondo ka gitimore, to uyie.

Johana 16:4

To asenyisou gigi chon, mondo ka kinde ochopo ma gitimoree, to upar ni ne asiemou ni gibiro timore, mondo utang’. “Ne ok anyisou mokwongo, nikech ne pod an kodu.

Johana 4:26

To Yesu nodwoke ni, “An mawuoyo kodini e En!”

Johana 8:28

Omiyo Yesu nowachonigi niya, “Ka useting’o Wuod Dhano malo, eka unung’e ni an e En. Bende unung’e ni onge gima atimo gi tekona awuon, to weche duto ma awacho, Wuora ema osepuonja.

Johana 8:58

To Yesu nodwokogi ni, “Adier, adier, awachonu ni, kane pok onywol Ibrahim to ne antie.”