Johana 13:17 - MUMA MALER 2015

¹⁷ Ka ung’eyo wachno, to un johawi kutiyo kode.

Motingʼo Loko Manyien

¹⁷ Nikech koro ungʼeyo wechegi, nogwedhu kutiyo kodgi.”

Johana 13:17 ပူးပေါင်းရင်းမြစ်များ

Chakruok 6:22

Nowa notimo gik moko duto mane Nyasaye ochike.

Zaburi 19:11

A Ruoth Nyasaye, bucheni miya rieko, an jatichni, kendo ng’ama ritogi yudo pok mabup.

Wuok 40:16

Musa notimo gik moko duto mana kaka Ruoth Nyasaye nochike.

Ngeche 29:18

Oganda ma wach Nyasaye ok fwenyrene en oganda molal. Ng’at morito chik Nyasaye to en jahawi.

Jeremia 11:6

Eka Ruoth Nyasaye nowacho ni Jeremia ni, “Dhiyo iland wechegi e miech Juda kendo e yore mag Jerusalem, kinyiso ji mondo owinj kendo orit weche mag singruokna.

Ezekiel 36:27

Anaket Rohona awuon kuomu, mondo uluw chikena, kendo urit buchena duto ma asemiyou.

Mathayo 12:50

nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Johana 15:14

Ka utimo gik ma achikou, to eka un osiepena.

Jo-Rumi 2:13

Ng’ato nyalo winjo Chik, to ka ok omako, to ok onyal bet e winjruok gi Nyasaye.

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.

Jakobo 4:17

Ka ng’ato ong’eyo gima ber monego otim to ok otim, to odoko jaricho.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.