Johana 13:13 - MUMA MALER 2015

¹³ Un uluonga ni ‘Japuonj’, kendo ni ‘Ruoth’, to mano uluonga kare, nikech mano e an.

Motingʼo Loko Manyien

¹³ Uluonga kare ni ‘Japuonj’ kendo ni ‘Ruoth,’ kendo utimo kare, nikech mano e ngʼama an.

Johana 13:13 ပူးပေါင်းရင်းမြစ်များ

Jeremia 1:12

Eka Ruoth Nyasaye nowachona niya, “Iwacho kare. An bende achako chopo wachna!”

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Luka 10:28

Yesu nowacho ne ni, “Idwoko kare! Tim kamano, eka inibed mangima.”

Luka 6:46

“Ere gima omiyo uluonga ni, ‘Ruoth, Ruoth’, to ok utim gima awachonu?

Luka 7:43

Simon nodwoke ni, “Aparo ni en jal mane owene pesa mang’eny ka.” Yesu nowachone ni, “Idwoko kare.”

Johana 11:2

Maria ema ne owiro Ruoth Yesu gi mo mang’ue ng’ar, kendo oyweyo tiendene gi yie wiye. Ne en nyamin Lazaro, mane tuo.

Johana 11:28

Kane Maritha osewacho wechego, nodhi oluongo Maria nyamin mare ling’ling’, mowachone niya, “Japuonj ni ka, kendo oluongi.”

Johana 11:3

Nyimine Lazaro nooro ni Yesu wach niya, “Ruoth, osiepni mihero tuo.”

1 Jo-Korintho 12:3

Mano emomiyo adwaro nyisou mondo ung’e ni, onge ng’ama nigi Roho mar Nyasaye manyalo wacho ni, “Okuong’ Yesu”. To bende onge ng’ama nyalo wacho ni, “Yesu en Ruoth” mak mana ka en gi Roho Maler.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

Jo-Efeso 6:9

Un ruodhi bende timuru ni wasumbini mau mana kamano. Kik ubwoggi, nikech ung’eyo ni un kaachiel kodgi, un gi Ruoth achiel kende e polo ma ok oluoro wang’ ng’ato.

Jo-Filipi 2:11

kendo ji duto mondo ohul ni Yesu Kristo e Ruoth, mondo Nyasaye Wuoro bende oyud duong’.

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,

Jakobo 2:19

Donge iyie ni Nyasaye en achiel? Mano ber! To kata mana jochiende bende nigi yie ma kamano, to yiegino miyo gikirni!