Johana 13:10 - MUMA MALER 2015

¹⁰ To Yesu nodwoke niya, “Ng’at moselwokore ok dwar lwokruok kendo, mak mana tiende kende ema olwoko, nimar dende duto ler. Omiyo un uler, to ok un uduto.”

Motingʼo Loko Manyien

¹⁰ Yesu nodwoke niya, “Ngʼat moseluokore onego olwok mana tiendene kende, nimar dende duto ler. Un usedoko maler, makmana ngʼato achiel kuomu kende ema ok ler.”

Johana 13:10 ပူးပေါင်းရင်းမြစ်များ

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Wer Mamit 4:7

Mano kaka iber, yaye jaherana! Ionge gi mbala kata achiel e dendi.

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Tim jo-Lawi 16:26

To ng’at mane oriembo diel, ka tero ir Azazel kik donj e kambi nyaka chop olwok lepe kendo olwokre.

Tim jo-Lawi 16:28

Ng’at ma owang’ogi nyaka lwok lepe kendo lwokre, eka bang’e onyalo duogo e kambi.

Mathayo 6:12

bende wenwae richowa, kaka waweyo ni joma timonwa marach.

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.

Johana 13:9

Eka Petro nowachone ni, “Ruoth, kara kik ilwok mana tienda kende, to lwok koda ka lweta gi wiya bende!”

Johana 15:3

Un koro osedoko maler nikech wach ma asewachonu.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

Jo-Hibrania 9:10

nimar gik mobadhe gin mana chiemo gi gik ma imadho kod tim lwok mopogore opogore. Magi gin mana chik mag tim maoko ma oketi mondo oti nyaka chop kinde ma Nyasaye losoe gik moko manyien.

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.