Johana 12:5 - MUMA MALER 2015

⁵ “Ere gimomiyo morni ok olok siling’ mia adek, mondo opog joma odhier?”

Motingʼo Loko Manyien

⁵ “Angʼo ma nomone hono mo mangʼwe ngʼarno mondo pesa moyudi omi joma odhier? Onge tiende ketho mo ma nengone tek kama, moromo chulo misach ngʼat achiel kuom higa ngima.”

Johana 12:5 ပူးပေါင်းရင်းမြစ်များ

Ezra 4:14

To wan jotichni ok owinjore waling’ kwaneno kiketho nyingi. Mano emomiyo waseoro baruani kwanyisigo wach,

Wuok 5:17

To Farao nodwokogi niya, “Un jonyawo ahinya! Mano emomiyo ukwaya ni mondo aweu udhi utim misango ni Nyasachu.

Wuok 5:8

To nyaka une ni giloso matafari ma kwan-gi romre gi mago ma gisebedo ka giloso. Kik uwe kwanno dog chien! Gin jonyawo, emomiyo gigoyo koko ni mondo gidhi gitim misango ni Nyasachgi.

Amos 8:5

Uwacho kendu uwegi niya, “Mad ndalo mag lemo mar due manyien rum piyo, mondo waus cham.” Bende upenjoru niya, “Ndalo mag Sabato biro rumo karang’o, mondo wagol chambwa warundi? Eka wanyalo keto nengo mamalo, kendo tiyo gi rapim ma ok ni kare mondo wawuondgo jong’iewo!

Mathayo 18:28

“To ng’atno nowuok, moromo gi jatich wadgi mane nigi gope moromo siling moko manok kende. Ne omako ng’atno gi ng’ute, modeyo, kowachone ni, ‘Chula gopa ma in-go.’

Mathayo 20:2

Ne owinjore gi jotich moko ni obiro chulogi siling’ achiel achiel, odieching’ kodiechieng’, mi noorogi e puodho.

Luka 12:33

Lokuru giu duto pesa mondo upog ni joma odhier, eka ubed gi mwandu mak rum e polo, kuma jakuo ok dhiye, kendo kuma olwenda ok kethie gik moko,

Luka 18:22

Kane Yesu owinjo kamano, nowachone niya, “Gimoro achiel ema pod onego itim. Lok gigi duto pesa, mondo ipog ni joma odhier, eka inibed gi mwandu e polo. Ka isetimo kamano, to bi iluwa.”

Luka 6:41

“Marang’o ineno mana pilni yath manie wang’ wadu, to yath maduong’ manie wang’i iwuon, to otami neno?

Johana 12:4

Achiel kuom jopuonjre Yesu ma nyinge Judas Iskariot, jal mane biro ndhoge, nopenjo ni,

Johana 12:6

To ne ok owach kamano nikech ne oparo joma odhier adier, to nowacho kamano mana nikech ne en jakuo, kendo kaka ne en jakeno mar jopuonjre, nothoro kawo pesa morito.

Johana 13:29

To kaka Judas ema ne jakeno, jopuonjrene moko ne paro ni Yesu onyise mondo odhi ong’iew gik mane gidwaro konyorego e sawo, kata ni mondo opog pesa ni joma odhier.

Johana 6:7

To Filipo nodwoke niya, “Siling’ mia ang’wen ok ding’iew makati moromo ng’ato ka ng’ato kawo matintin.”