Johana 12:44 - MUMA MALER 2015

⁴⁴ Yesu nowuoyo gi duol maduong’, kawacho niya, “Ngama oyie kuoma ok oyie mana kuoma kende, to oyie mana kuom Jal mane oora bende,

Motingʼo Loko Manyien

⁴⁴ Eka Yesu nokok matek kawacho niya, “Ka ngʼato oyie kuoma, to an ok ema oyie kuoma kenda, to oyie kuom Jal mane oora bende.

Johana 12:44 ပူးပေါင်းရင်းမြစ်များ

Ngeche 1:20

Winjuru kaka rieko goyo koko matek e wang’yore kendo e chirni.

Ngeche 8:1

Winjuru kaka rieko luongo! Adier, odwaro ni ji mondo owinj dwonde.

Mathayo 10:40

“Ng’at morwakou, to orwako mana an, kendo ng’at morwaka to orwako mana Jal mane oora.

Mariko 9:23

Yesu nodwoke ni, “Ere gima omiyo iwacho ni, ‘Kinyalo’? Gik moko duto nyalore ni ng’ama oyie!”

Mariko 9:37

“Ng’at morwako nyathi achiel ma kama e nyinga, to orwako mana an, kendo ng’at morwaka ok orwako mana an kende, to orwako koda ka Jal mane oora bende.”

Johana 11:43

Kane osewacho kamano, nokok matek niya, “Lazaro, wuog oko!”

Johana 13:20

Adier, awachonu ni ng’at morwako ng’at ma aoro, to orwako mana an, kendo ng’at morwaka, to orwako mana Jal mane oora.”

Johana 5:24

Adier awachonu ni ng’ama owinjo wachna, mi oyie kuom Jal mane oora, nigi ngimaa ma nyaka chieng’, ng’at ma kamano ok ter e bura, to osea e tho, odonjo e ngima.

Johana 7:28

Mano nomiyo Yesu owacho gi dwol maduong’, kopuonjo e Hekalu niya, “En adier ni ung’eya, kendo en adier ni ung’eyo kuma aaye, to kata kamano ok asebiro gi tekona awuon. Jal mane oora e wuon adiera, to un ok ung’eye.

1 Petro 1:21

nimar en ema omiyo uyie kuom Nyasaye mane ochiere oa kuom joma otho, kendo omiye duong’. Adier, en ema omiyo ubedo gi yie kod geno kuom Nyasaye.