Johana 12:38 - MUMA MALER 2015

³⁸ Mano nobet kamano mondo gima ne Isaya janabi okoro otimre. Isaya nosewacho niya, “Ruoth, ere ng’ama oseyie wach mwalando? Koso ere ng’ama Ruoth Nyasaye osenyiso tekone?”

Motingʼo Loko Manyien

³⁸ Mano notimore mondo ochop wach mane Isaya janabi osewacho niya, “Jehova Nyasaye, en ngʼa moseyie wach mwalando, koso en ngʼa ma Jehova Nyasaye osenyiso tekone?”

Johana 12:38 ပူးပေါင်းရင်းမြစ်များ

Isaya 53:1

En ng’a moseyie wach mwalando? Koso ere ng’ama Ruoth Nyasaye osenyiso tekone?

Jo-Rumi 10:16

To ok en ni ji duto ne oyie Wach Maberno, to obet mana kaka Isaya wacho niya, “Ruoth, ere ng’ama oseyie wach mwalando?”

Jo-Rumi 10:20

To Isaya wuoyo gi chir niya, “Joma ne ok manya ema ne onwang’a. Adier, afwenyora ni joma ne ok penja.”

1 Jo-Korintho 1:24

To joma Nyasaye oseluongo, bed ni gin jo-Yahudi kata joma ok jo-Yahudi, to ong’eyo ni wachno en Kristo, ma en teko Nyasaye kendo riekone,

Jo-Galatia 1:16

mondo ofwenyna Wuode aland Wachne Maber ni joma ok jo-Yahudi, to ne ok apenjo dhano gima onego atim.

Mathayo 16:17

Yesu nowachone niya, “Simon wuod Jona, in jahawi ahinya! Dhano ok ema osefwenyni wachni, to mana Wuora mae polo ema osefwenyonigo.

Zaburi 44:3

Jogigo ne ok okawo piny gi gigegi mag lweny, bende ne ok gilocho gi tekregi giwegi. To ne gilocho mana nikech tekoni maduong’, kendo nikech ne in kodgi. Mano e kaka niherogi!

2 Weche mag Ndalo 32:20

Omiyo ruoth Hezekia kod Isaya janabi ma wuod Amoz nolemo ka ywak ni Nyasaye.

Johana 19:24

ne giwacho e kindgi giwegi ni, “Yawa, kik wayieche, to wagone ombulu mondo wang’ego ng’ama dikawe” Mano notimore mondo ochop gima Muma wacho ni, “Ne gipogore lepa e kindgi, kendo ne gigoyo ombulu mondo ging’ego ng’ama dikaw kandhuna.” Mano e kaka ne askeche otimo.

Johana 17:12

Kane an kodgi, to ne aritogi gi teko mar nyingi mane imiya. Naritogi maber mi kata achiel kuomgi ne ok olal, mak mana jal mane ochunore ni nyaka lal mondo gima ondiki e Muma otimre.

Johana 15:25

Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

Mathayo 15:7

Un joma wuondore ni ohero Nyasayegi! Isaya ne ni kare kane okoro wach kuomu ni,

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Isaya 51:5

Adiera mara biro machiegni. Ee, resruok ma akelo nenore ratiro. Abiro rito ogendini gi bada motegno, kendo joma odak e pinje manie dhonembe gi chulni biro ng’iya ka gigeno ni abiro ritogi gi tekona.

Mathayo 27:35

Eka ne gigure, mi gipogore lepe gi ombulu.

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 12:39

Ok ne ginyal yie, nikech Isaya nowacho bende ni,