Johana 12:36 - MUMA MALER 2015

³⁶ Kapod un gi ler, to yieuru kuom ler, mondo ubed nyithind ler.” Kane Yesu osewacho wechego, nodhi mi opondonigi kar kende.

Motingʼo Loko Manyien

³⁶ Keturu genou kuom ler kapod un kode, mondo mi ubed nyithind ler.” Kane Yesu osetieko wuoyo kodgi, to nowuok owegi kendo nopondonigi.

Johana 12:36 ပူးပေါင်းရင်းမြစ်များ

Isaya 60:1

In dala Jerusalem, a malo! Rieny nikech lerni osechopo, kendo duong’ maler mar Ruoth Nyasaye oselor kuomi.

Mathayo 21:17

Bang’ mano noa Jerusalem oweyogi, modhi obworo Bethania.

Mathayo 5:14

“Bende un e ler mar piny. Dala moger ewi got ok nyal geng’ore.

Luka 16:8

“Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”

Johana 1:7

Nobiro nyiso ji wach ler, mondo ji duto oyie nikech wachne.

Johana 11:54

Kuom mano, Yesu koro ne ok wuoth ratiro kama jo-Yahudi nitie, to noa kuno modhi e dala moro miluongo ni Efraim, mane nitie gweng’ moro momanyore gi thim, mi obet kuno gi jopuonjrene.

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 12:46

An e ler, kendo asebiro e piny mondo ng’at moyie kuoma kik sik e mudho.

Johana 3:21

Ng’at ma timbene kare to dhiyo e ler mondo timbene ong’ere e lela ni otimogi koluoro Nyasaye.”

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

1 Jo-Thesalonika 5:5

nimar un duto un nyithind ler, kendo nyithind odiechieng’. Ok wan mag otieno, kata mag mudho.

1 Jo-Thesalonika 5:8

To wan, jogo mag odiechieng’, waritreuru ka waserwako yie gi hera kaka akor mar lweny, kendo ka waserwako geno mar warruok kaka ogut lweny.