Johana 12:29 - MUMA MALER 2015

²⁹ Ji mane ochung’ kanyo nowinjo dwolno, mi owacho ni polo ema omor. Moko to nowacho ni malaika ema owuoyo kode.

Motingʼo Loko Manyien

²⁹ Oganda mane ni kanyo manowinjo dwolno nowacho ni polo ema nomor, to ji mamoko to nowacho ni malaika ema nowuoyo kode.

Johana 12:29 ပူးပေါင်းရင်းမြစ်များ

Ayub 40:9

Bende iratego ka an adier? Koso dwondi bende chal gi mara ma mor ka polo?

Wuok 19:16

Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Wuok 20:18

Kane ji duto oneno ka polo mor kendo mil, bende kane giwinjo ka tung’ ywak, kendo gineno ka got dum iro, ne gikirni, mi gichung’ gi chien.

Ezekiel 10:5

Kane buombe kerubigo kwadhore, to winjore koda ka e laru maoko mar Hekalu, mana ka dwond Ruoth Nyasaye Manyalo Gik Moko Duto.

Tich Joote 9:7

Joma ne nie wuoth gi Saulo nochung’ ka dhogi omoko, ka giwinjo dwol, to ok gine ng’ato!

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 14:2

Ne awinjo dwol moro moa e polo kawuo ka pi mang’eny, kendo machalo gi polo mamor matek. Chutho, dwol mane awinjono ne chalo mana gi dwond joma goyo thum.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 8:5

Malaika nokawo tap ubani mi ogangoe mach mane okawo kuom kendo-mar-misango, bang’e nobolo majno piny. Bang’ mano, polo nomor kariadore matek, kendo duol moko nowinjore, bende polo nomil, kendo piny noyiengni.