Johana 12:2 - MUMA MALER 2015

² Ne giselosone chiemo kuno, kendo Maritha ema notiyonigi, to Lazaro ne achiel kuom joma ne chiemo gi Yesu.

Motingʼo Loko Manyien

² Negiloso nyasi maduongʼ Bethania ne Yesu. Maritha ne miyo welo chiemo, to Lazaro to nobet kachiemo kaachiel gi joma nobet kolworo mesa.

Johana 12:2 ပူးပေါင်းရင်းမြစ်များ

Wer Mamit 4:16

“In yamb masawa, tugri! Yamb milambo, in bende kudhi e puotha, mondo tik gik mang’ue ng’ar man kanyo odum. Yaye jaherana, bi e puothi mondo icham olembe mabeyo.”

Mathayo 26:6

Kane Yesu ni Bethania e od Simon jadhoho,

Mariko 14:3

Kane Yesu ni Bethania, ka chiemo e od Simon jadhoho, dhako moro nobiro gi chupa molos gi alabasta, moting’o mo mang’ue ng’ar ma nengo ne tek miluongo ni nard. Ne oturo ng’ut chupano mi oolo morno ewi Yesu.

Luka 12:37

Mano kaka jotich ma ruodhgi yudo ka neno, kendo oikore, gin johawi! Awachonu adier ni, ruodhgino nong’wan lepe, kendo nomi gibed piny e mesa, mi omigi chiemo.

Luka 14:12

Eka Yesu nowacho bende ni ng’at mane oluongeno ni, “Ka iluongo ji e chiemb odiechieng’, kata chiemb otieno, to kik iluong mana osiepeni kata oweteni kata wedeni kata jogweng’u momew, nimar dipo ka gin bende chieng’ moro giluongi, mi gichuli kar luong mane iluongogigono.

Luka 22:27

Kuom ji ariyogi, ere ng’ama duong’ie moloyo wadgi? Jal ma obet kachiemo, koso jal matiyone? Donge en jal ma obet kachiemo? To an, an e kindu ka ng’at matiyo.

Luka 5:29

Bang’e Lawi notimo ni Yesu sawo maduong’ e ode, kendo josol osuru mang’eny, kaachiel gi joma moko nochiemo kodgi kanyo.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.