Johana 11:55 - MUMA MALER 2015

⁵⁵ Sap jo-Yahudi mar Pasaka koro ne chiegni, omiyo ji mang’eny moa e gwenge mopogore opogore ne dhi Jerusalem mondo opwodhre, obed moikore ni sawono.

Motingʼo Loko Manyien

⁵⁵ Ka kinde mag Pasaka mar jo-Yahudi ne chiegni chopo, ji mangʼeny moa e gwenge mopogore opogore nodhi Jerusalem mondo gipwodhre kapok Pasaka ochopo.

Johana 11:55 ပူးပေါင်းရင်းမြစ်များ

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Zaburi 26:6

A Ruoth Nyasaye, alwoko lweta kanyisogo ni aonge gi ketho, kendo alworo kendoni mar misango,

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Kwan 9:10

“Ka ng’ato kuomu, kata kuom nyikwau, odoko mogak kuom mulo ng’at motho, kata ka en e wuoth kuma bor, to nyaka pod enotim atima ni Ruoth Nyasaye Sap Pasaka,

Kwan 9:6

To noyudo jomoko odoko mogak, nikech ne gisemulo ng’at motho, omiyo ne ok ginyal timo Pasaka chieng’ moketi. Kuom mano ne gidhi ir Musa gi Harun chieng’ onogo,

Mathayo 26:1

Kane Yesu osetieko wechego duto, nowacho ni jopuonjrene niya,

Mathayo 26:2

“Ung’eyo ni bang’ ndalo ariyo Sap Pasaka biro betie, kendo nondhog Wuod Dhano mondo ogur e msalaba,”

Mariko 14:1

Koro ne odong’ ndalo ariyo to chop Sap Pasaka kod Sap Makati ma ok ketie Thowi. To jodolo madongo kod jopuonj Chik ne dwaro yo ma digimakgo Yesu ling’ling’ mondo ginegi,

Luka 22:1

Koro Sap Makati ma ok ketie Thowi, miluongo ni Pasaka, ne chiegni.

Johana 12:1

Kane pod ndalo auchiel, to chop Sap Pasaka, Yesu nodhi Bethania, dala gi Lazaro mane osechiero.

Johana 13:1

Koro Sap Pasaka ne chiegni ahinya, kendo Yesu nong’eyo ni kindene osechopo moago e pinyni, odok ir Wuoro. Nosehero joge owuon manie piny, to koro obiro nyiso kaka oherogi chuth nyaka giko.

Johana 18:28

Ne gigolo Yesu e dala Kaiafa, mi gitero e od bura mar ruoth. Ne en okinyi mang’ich. To jo-Yahudi ne ok odonjo e odno, nikech ne ok gidwar bedo mogak, ma dimon-gi chamo Pasaka.

Johana 2:13

Sap jo-Yahudi miluongo ni Pasaka nochopo machiegni, omiyo Yesu nodhi Jerusalem.

Johana 2:6

Degi auchiel mag kite nochung kanyo, mondo ji ologie e yo ma Chik jo-Yahudi dwaro. Dak ka dak ne nyalo ting’o pi moromo depe ariyo.

Johana 5:1

Bang’ mano, Yesu nodhi Jerusalem, nikech nitimo Sap jo-Yahudi moro kuno.

Johana 6:4

To Sap Pasaka, ma en sawo mar jo-Yahudi, koro ne chiegni.

Tich Joote 21:24

Dhiyo mondo ipuodhri kaachiel kodgi, kendo ichulnegi nengo mag misengni ma onego gichiw kapok olielgi kaka ranyisi ni gisetieko kuong’ruokgi. Kamano ji duto biro ng’eyo ni gik moko duto ma gisewinjo kuomi ok gin adier, kendo gibiro ng’eyo ni in bende iluwo mana Chik Musa.

Tich Joote 21:26

Omiyo kinyne Paulo nokawo jogo, mi opuodhore kaachiel kodgi. Eka nodonjo e Hekalu, mi onyiso jodolo kinde ma puodhruok biro rumoe, mi tim ni ng’ato ka ng’ato kuomgi misango.

Tich Joote 24:18

Mano e gima ne ginwang’a e Hekalu ka atimo, kendo ka asepuodhora. Onge ji mathoth mane ni koda, kendo koko moro bende ne onge.

1 Jo-Korintho 11:28

Kuom mano ng’ato nyaka nonre mondi, eka ocham makatino kendo omethi e kikombeno,

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Samuel 16:5

Nodwokogi niya, “Ee, abiro gi kue, ni mondo atim misango ni Ruoth Nyasaye. Pwodhreuru mondo wadhi kar misango.” To Jesse gi yawuote, Samuel owuon ema nopwodho, moluongogi e misango.