Johana 11:47 - MUMA MALER 2015

⁴⁷ Omiyo jo-Farisai kod jodolo madongo noluongo buchgi maduong’, mi openjore ni, “Ng’atni timo timbe madongo mang’eny! Wan to watimo ang’o?

Motingʼo Loko Manyien

⁴⁷ Eka jodolo madongo gi jo-Farisai nochoko buch jo-Sanhedrin, kendo negipenjore niya, “Watim angʼo? Ngʼatni medo timo timbe honni mangʼeny moloyo.

Johana 11:47 ပူးပေါင်းရင်းမြစ်များ

Mathayo 26:3

To e kindeno, jodolo madongo kod jodong oganda ne jochokre e laru mar jadolo maduong’ ma nyinge Kaiafa.

Mathayo 5:22

An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Mariko 14:1

Koro ne odong’ ndalo ariyo to chop Sap Pasaka kod Sap Makati ma ok ketie Thowi. To jodolo madongo kod jopuonj Chik ne dwaro yo ma digimakgo Yesu ling’ling’ mondo ginegi,

Luka 22:2

To jodolo madongo kod jopuonj Chik ne dwaro yo ma digineggo Yesu ling’ling’, nimar ne giluoro ji.

Johana 11:57

Ne giwacho kamano nikech noyudo jodolo madongo gi jo-Farisai osegolo chik ni ka ng’ato ong’eyo kama Yesu nitie, to nyaka ohul, mondo omake.

Johana 12:19

Kuom mano jo-Farisai nowacho kendgi niya, “Uneno kaka ok unyal gimoro! Neyeuru, piny duto luwo bang’e!”

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 6:2

Oganda maduong’ noluwe, nikech ne gineno honni mane otimo kochango joma tuo.

Johana 7:32

Jo-Farisai nowinjo ka ji kuodho wechego kuom Yesu, omiyo ne giriwo wach gi jodolo madongo, mi gioro askeche mondo omake.

Johana 7:45

Kane askeche odwogo, jodolo gi jo-Farisai nopenjo gi ni, “Ang’o momiyo ok usekele ka?”

Tich Joote 5:21

Joote nowinjo wachne, omiyo kane piny dwaro yawore ne gidhi e Hekalu, mi gichako puonjo ji. Kane jadolo maduong’ obiro gi joge, ne giluongo jodong jo-Yahudi duto e buchgi maduong’. Eka ne gioro wach e jela mondo okel joote e nyimgi.

Tich Joote 5:24

Kane jorit Hekalu kod jodolo madongo owinjo wachno, ne gidhier nono, ka giwuoro gima ditim joote!