Johana 10:7 - MUMA MALER 2015

⁷ Emomiyo nowachonigi niya, “Adier, adier, awachonu ni an e dhoranga duond rombe.

Motingʼo Loko Manyien

⁷ Kuom mano, Yesu nochako owachonegi niya, “Adier, adier, awachonu ni an e dhoranga rombe.

Johana 10:7 ပူးပေါင်းရင်းမြစ်များ

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 79:13

To wan jogi, ma wan rombe mag kwedhi, wanagoni erokamano nyaka chieng’, kendo wanahul duong’ni ni tienge duto mabiro.

Zaburi 95:7

nimar en e Nyasachwa. Wan joge, kendo oritowa kaka jakwath rito jambe. Winjuru dwonde kawuono! Owacho ni,

Isaya 53:6

Waduto ne waselal mana ka rombe, ka ng’ato ka ng’ato ochiko mana yore owuon, to en ema ne Ruoth Nyasaye oketo kuome richowa duto.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Ezekiel 36:38

Mier ma tinde omukoregi ji nopong’ mana kaka rombe mitimogo misengni chieng’ sawo ne pong’o Jerusalem. Kamano gining’e ni an e Ruoth Nyasaye.’ ”

Johana 10:1

Yesu nodhi nyime kowacho niya, “Adier, adier, awachonu ni, ng’at ma ok oluwo dhorangach ka donjo e duond rombe, to donjo mana gi kamoro nono, en jakuo kendo jamecho.

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Jo-Efeso 2:18

Kuom Kristo ema wan waduto, wanie gi thuolo mar dhiyo e nyim Wuoro kuom Roho achiel.