Johana 10:5 - MUMA MALER 2015

⁵ Ok ginyal luwo ng’ama gikia nikech ok ging’eyo duonde, omiyo giringo aringa.”

Motingʼo Loko Manyien

⁵ To ok ginyal luwo bangʼ ngʼama gikia. Adier, giringo gia bute nikech ok gingʼeyo dwonde.”

Johana 10:5 ပူးပေါင်းရင်းမြစ်များ

1 Ruodhi 22:7

To Jehoshafat nopenje niya, “Janabi moro mar Ruoth Nyasaye onge ka, ma dwapenj wach koso?”

Ngeche 19:27

Wuoda, ka iweyo puonjruok, to piyopiyo nono wiyi biro wil gi gik ma iseng’eyo.

Mariko 4:24

Bende nowachonigi niya, “Chikuru itu maber ni gima iwachonu. Rapim ma upimoe ema un bende nopimnue, to bende nomednu moloyo,

Luka 8:18

Emomiyo chikuru itu maber mondo uwinj gima iwachonu, nimar ng’at man-go ema nomedi, to ng’at maongego, noma kata mana mano matin moparo ni en-go!”

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Johana 10:4

Kosegologi duto to otelonigi, kendo giluwe, nikech ging’eyo duonde.

2 Timotheo 4:3

Ndalo biro ma ji ok noyie puonj maradier, to giniluw mana gombogi giwegi, kendo ginidwar bedo gi jopuonj mathoth mondo opuonjgi mana weche malombogi.

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.

1 Johana 2:21

Andikonu, nikech ung’eye, bende ung’eyo ni onge miriambo mawuok kuom adiera kata matin.

Fweny 2:2

Ang’eye timbeni gi tichni matek kod kinda misetimo, kendo ang’eyo bende ni in ok inyal yie gi joma richo, bende isetemo joma luongore ni joote, to ok gin joote, mi inwang’o ni gin jomriambo.