Johana 10:32 - MUMA MALER 2015

³² Omiyo Yesu nopenjo gi ni, “Asenyisou gik mabeyo mang’eny ma asetimo gi teko mar Wuora. To kuom tijenago duto, ere ma omiyo odwaro goya gi kite?”

Motingʼo Loko Manyien

³² to Yesu nowachonegi niya, “Asenyisou honni madongo mangʼeny moa ka Wuora. Kuom honnigi duto, en mane kuomgi ma udwaro chielane gi kite?”

Johana 10:32 ပူးပေါင်းရင်းမြစ်များ

Zaburi 35:12

Kata obedo ni asetimonigi maber, to gin gitimona mana marach. Kuom mano chunya okuyo malit.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Jeremia 37:18

Bang’ mano Jeremia nopenjo Zedekia niya, “Ere gima asekethoni kata ni jodongi kata ni jogi momiyo iketa e tuech?

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Johana 10:25

Yesu nodwokogi ni, “Asenyisou, to utamoru yie. Gik ma atimo e nying Wuora ema wuoyonu kuoma.

Johana 10:31

Kane jo-Yahudi owinjo wachno, ne gichako gikwanyo kite kendo mondo gigogo Yesu.

Johana 10:33

To jo-Yahudi nodwoke ni, “Ok wadwar goyi nikech gimoro maber misetimo, to wagoyi mana nikech ipiem gi Nyasaye, nimar in mana dhano, to eka iwacho ni in Nyasaye!”

Johana 10:37

Ka uneno ni ok ati tich Wuora, to kik uyie koda.

Johana 5:36

Adier, Johana nowuoyo kuoma kanyiso ni Wuora noora, to koro tich ma atiyo, mane Wuoro omiya mondo ati, nyiso malong’o ni Wuoro noora, moloyo kaka ne Johana onyiso.

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 2:22

“Un jo-Israel, winjuru gima awachonu. Yesu ja-Nazareth ne ng’at mane Nyasaye onyisou ni oyiego, komiyo otimonu honni gi timbe malich miwuoro kod ranyisi, kaka un uwegi ung’eyo, nikech gigo notimore e dieru.

1 Johana 3:12

Kik wachal gi Kain, mane odoko nyathi Ng’ama Rach, mi onego owadgi. To ere gimomiyo Kain nonego owadgi? Donge nonege nikech timbene ne richo en owuon, to timbe owadgi ne kare?