Johana 10:3 - MUMA MALER 2015

³ En ema jarit rangach yawone. Rombe bende winjo duonde koluongogi achiel achiel gi nyinggi kogologi oko.

Motingʼo Loko Manyien

³ Jarito yawone dhorangach kendo rombe winjo dwonde. Oluongo rombene owuon gi nying-gi kendo otelonegi kagiwuok oko moro ka moro.

Johana 10:3 ပူးပေါင်းရင်းမြစ်များ

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”

Ngeche 27:23

Rit jambi maber gi rieko kaka inyalo,

Wer Mamit 8:13

“A jaherana, jowadwa ochiko itgi, omiyo yie awinjie dwondi gie puodho kuno.”

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Johana 10:14

An to, an jakwath maber. Ang’eyo rombena, kendo gin bende ging’eya,

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Johana 10:4

Kosegologi duto to otelonigi, kendo giluwe, nikech ging’eyo duonde.

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Jo-Rumi 8:30

Joma ne Nyasaye oyierogo ema noluongo, kendo joma noluongogo nomiyo obet e winjruok kode, bende joma osemiyo obet e winjruok kodego ema opogonigi duong’ne maler.

1 Jo-Korintho 16:9

nikech oyawna dhoot malach kaeri mar tiyo tich maduong’ makelo konyruok, to bende nitie wasigu mang’eny.

Jo-Filipi 4:3

To in owadwa maradier, bende akwayi mondo ikony mon-go, nikech gisetiyo koda matek kuom lando Injili, ka wan gi Klement kod jotich wetewa mamoko duto, ma nyingi ondiki e kitap ngima.

Jo-Kolosai 4:3

To wan bende lemnwauru kukwayo Nyasaye mondo oyawnwa dhoot, waland wachne, ma en wach mopondo man kuom Kristo, momiyo anie tuech.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

1 Johana 4:6

Wan to wan mag Nyasaye, omiyo ng’at mong’eyo Nyasaye ema winjowa, to ng’at ma ok ja-Nyasaye ok winjwa. Mano e yo ma wang’eyogo pogruok manie kind Roho mar adiera, gi roho mar miriambo.

3 Johana 1:14

To ageno ni abiro neni machiegni mondo walos wang’ gi wang’.

Fweny 20:15

Ng’ato ang’ata mane nyinge ok onwang’ kondik e kitap ngima, ne owit e ataro mar mach.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”