Johana 10:24 - MUMA MALER 2015

²⁴ Eka jo-Yahudi nochokore molwore, mi openje ni, “Ibiro miyo wariwo gi kiawa nyaka karang’o? Ka in e Mesia to nyiswa ane malongo!”

Motingʼo Loko Manyien

²⁴ Jo-Yahudi nochokore molwore, kendo negiwachone niya, “Pod ibiro weyowa e mudho nyaka karangʼo? Ka in e Kristo to nyiswa maler.”

Johana 10:24 ပူးပေါင်းရင်းမြစ်များ

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

Mathayo 11:3

mondo odhi openje ni, “In e jal monego bi, koso pod warit ng’at machielo?”

Mariko 8:32

Ne owachonigi wachno ratiro. To Petro nogole tenge, ni ok onego olos kamano.

Luka 3:15

Ji ne ochako bedo gi geno ka giparo ni mita Johana e Mesia.

Johana 1:19

Jo-Yahudi man Jerusalem nooro jodolo gi jo-Lawi ir Johana, mopenje ni, “In ng’a?”

Johana 10:31

Kane jo-Yahudi owinjo wachno, ne gichako gikwanyo kite kendo mondo gigogo Yesu.

Johana 10:33

To jo-Yahudi nodwoke ni, “Ok wadwar goyi nikech gimoro maber misetimo, to wagoyi mana nikech ipiem gi Nyasaye, nimar in mana dhano, to eka iwacho ni in Nyasaye!”

Johana 16:25

“Asenyisou wechegi gi ngeche. To kinde biro ma ok nachak awuoe kodu gi ngeche kamano, to ananyisu wach Wuora mana malong’o ratiro.

Johana 8:25

Eka ne gipenje niya, “To in e ng’ano?” Yesu to nodwokogo ni, “An mana ng’ama asebedo ka awachonu ni e an.

Johana 8:53

Koso iparo ni iduong’ moloyo wuonwa Ibrahim mane otho? Jonabi bende notho! In to iparo ni in ng’a?”

Johana 9:22

Jonywolne nodwoko kamano nikech ne giluoro jodong jo-Yahudi. Ne oyudo jodong jo-Yahudi osewinjore kendgi ni ng’ato ang’ata moyie ni Yesu e Mesia, to nyaka tam mondo kik dhi e od lemo.

2 Jo-Korintho 3:12

Wawuoyo gi chir nikech geno ma kamano ma wan-go.