Johana 10:20 - MUMA MALER 2015

²⁰ Ji mang’eny kuomgi nowacho ni, “Jachien ni kode, kendo ojaneko! Ang’o momiyo uchiko itu ne wechene?”

Motingʼo Loko Manyien

²⁰ Ji mangʼeny nowacho niya, “Ngʼatni nigi jachien kendo ojaneko, en angʼo momiyo uchiko itu ni wechene?”

Johana 10:20 ပူးပေါင်းရင်းမြစ်များ

Isaya 53:8

Kane osemake, mi ong’adne bura, ne okawe mi otere e tho, to onge ng’ama ne openjo gima omiyo inege. Adier, ne ogole oko e piny joma ngima nikech richo mag jowa.

Jeremia 29:26

‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Mathayo 10:25

Ber mondo japuonjre obed marom gi japuonjne, kendo misumba bende obed marom gi ruodhe. Ka ji luongo wuon dala ni ruodh jochiende, jo dalane to koro digiyany marom nade!

Mathayo 11:18

Awachonu kamano nikech Johana nobiro modak katueyo chiemo kendo ka ok madh divai, omiyo ji duto wacho ni jachien ni kode.

Mathayo 9:34

Jo-Farisai to nowacho niya, “Ruodh jochiende ema miye teko mogologo jochiende.”

Mariko 3:21

Kane owetene owinjo wachno, ne giwuok mondo gidhi giome, nikech ji ne wacho ni neko osemake.

Johana 7:20

Ji nodwoke ni, “Jachien ni kodi! Ng’ano madwaro negi?”

Johana 8:52

Eka jo-Yahudi nowachone ni, “Koro wang’eyo adier ni jachien ni kodi. Ibrahim ne otho, kendo kata mana jonabi bende notho, to eka pod iwacho ni ng’at mowinjo wachni ok notho nyaka chieng’!

Tich Joote 26:24

To kane Paulo oyudo dwoko wach kamano, Festo nokokne niya, “Paulo, neko omaki! Puonjruok mang’eny osemiyi neko.”